هۆشدارى بەپەلەى ئەمریکا بۆ عێراق گەیشت

تەوتین شکستی هێنا و ئەمەریکا هەڕەشە دەکات
ده‌سه‌ڵاتدارانی عێراق به‌ شیعه‌ و سوننه‌وه‌ دانیان پێدا ناوه‌ كه‌ ئه‌مریكا به‌ فه‌رمی هه‌ڕه‌شه‌ی له‌ عێراق كردووه‌ و گوتویه‌تی:‌ ئه‌گه‌ر ده‌ستبه‌رداری پاڵپشتی بۆ ئێران نه‌بن ئه‌وكات بانكی ناوه‌ندی عێراق و كۆمپانیای سۆمۆ بۆ بازرگانی نه‌وت ده‌خه‌ینه‌ لیستی ڕه‌شه‌وه‌ و گه‌مارۆی ئابوری ده‌خه‌ینه‌ سه‌ر عێراق.
شایه‌نی باسه‌ ماوه‌یه‌كی زۆره چەند کەسانێکی گومان لێکراوی كوردستان له‌سه‌ر داوای عێراق ده‌ستیان كردووه‌ به‌ دژایه‌تی كردنی (هه‌ژماری من) كه‌ سه‌ر به‌ هه‌رێمی كوردستانه‌، له‌ به‌رامبه‌ردا بانگه‌شه‌ بۆ (ته‌وتین)ی مووچه‌ی فه‌رمانبه‌رانی هه‌رێم له‌ ڕێگه‌ی بانكی ناوه‌ندی عێراقه‌وه ده‌كه‌ن كه‌ له‌ خزمه‌تی ئێران و میلیشیاكانه‌، هه‌ربۆیه‌ ئه‌مریكا به‌ بانكی گه‌نده‌ڵی وه‌سفی ده‌كات.
ئێستا بەرپرسانی عێراق خۆیان دان به‌و ڕاستییه‌دا ده‌نێن كه‌ (بانكی ناوه‌ندی عێراق) و (كۆمپانیای سۆمۆ) لە گەندەڵی گڵاون هه‌ر بۆیه‌ ترامپ هه‌ڕه‌شه‌ی سزادانی عێراقی كردووه‌ و به‌م نزیكانه‌ بانكی ناوه‌ندی و كۆمپانیای سۆمۆ ده‌خاته‌ لیستی ڕه‌شه‌وه‌.
پێشتر راوێژکارێکی سوودانی رایگەیاند ئەمەریکا بە عێراقی گوتووە ئەگەر حەشد هەڵنەوەشێننەوە و پەیوەندیێەکانی نێوان بانکی ناوەندی لەگەڵ ئێران نەبڕێت، ئەوا سزایەکی قوڕسی عێراق دەدات.