ئەمریكا هۆشداری لەسەر دۆخی عێراق دەدات

ئالینا ڕۆمانۆوسكی، باڵوێزی ئەمریكا لە عێراق، هۆشداری لەبارەی كردەی مەترسیدار و هەڵكشانی ململانێ لە بەرانبەر عێراق دەدات و ئاماژەی بەوەش داوە، عێراق مەیلی لە فراوانبوونی پێكدادان نییە.
ئەم هۆشدارییەی ڕۆمانۆوسكی، دوای ئەوە گەف و هەڕەشانەی ئیسرائیل دێن، كە بەهۆی هێرشی میلیشیا عێراقییەكان، لە بەرانبەر عێراقدا ڕایگەیاندووە.
باڵوێز كە بۆ ئاژانسی (شەفەقنیوز) دواوە، دەڵێت: تا ئەوپەڕی ئەگەرەكان، ئەمریكا و ئیدارەی بایدن لە دواساتەكانی ئیدارەكەدا، پابەندن بە هەوڵدان بۆ داكشاندنی ململانێ و ڕێگەگرتن لە پەرەسەندنی ململانێكان، چونكە وەڵامدانەوە و هەڕەشەكان بۆ عێراق ترسناك دەبن.
جێی باسە، هەڕەشەكانی ئیسرائیل لەلایەن جەدعوون ساعر، وەزیری دەرەوەی وڵاتەكە، دوای ئەوە هاتووە، كە بەشێك لە میلیشیا عێراقییەكان لە دوو مانگی ڕابردوودا ڕۆژانە بە فڕۆكەی بێفڕۆكەوان هێرش دەكەنە سەر ئیسرائیل و وڵاتەكەش ڕایگەیاندووە: عێراق بەرپرسە لەوەی لە خاكەكەیدا بەرانبەر بە ئیسرائیل دەگوزەرێت.
هەر دوێنێشەو، 25ی 11ی 2024، گرووپە میلیشیاكانی عێراق ڕایانگەیاند، دوو ناوچەیان لە باشووری ئیسرائیل بە فڕۆكەی بێفڕۆكەوان بە ئامانج گرتووە