سه‌رۆكى حكوومه‌تى عێراقى فیدڕاڵ له كۆبوونه‌وه‌یه‌كی ئه‌مڕۆیدا له‌گه‌ڵ ئه‌نجومه‌نى باڵا بۆ دانیشتووان، بڕیاری دا به قه‌ده‌غه‌كردنى هاتوچۆ له ته‌واوى عێراق بۆ ماوه‌ى دوو ڕۆژ بۆ ئه‌وه‌ى سه‌رژمێریی گشتیی ئه‌نجام بدرێت.
به‌پێی زانیارییه‌كان، ئه‌نجومه‌نى باڵا بۆ دانیشتووان له‌و كۆبوونه‌وه‌ى كه ئه‌مڕۆ یه‌كشه‌ممه 1ى ئه‌یلوولى 2024 به سه‌رۆكایه‌تى محه‌ممه‌د شیاع سوودانى، سه‌رۆكى حكومه‌تى عێراقی فیدڕاڵ به‌ڕێوه‌چوو، چه‌ند بڕیارێكی له‌باره‌ى سه‌رژمێریی گشتیی عێراق ده‌ركرد.
له‌و كۆبوونه‌وه‌یه‌دا، بڕیار دراوه ڕۆژانى 20 و 21 ى ته‌شرینی یه‌كه‌مى 2024 له‌هه‌موو پارێزگاكانى عێراق قه‌ده‌غه‌ى هاتوچۆ بكرێت بۆ ئه‌وه‌ى سه‌رژمێریی گشتیی به‌ڕێوه بچێت.
هه‌روه‌ها بڕیار درا به په‌له‌كردن له دابینكردنى داخوازییه داراییه‌كان بۆ به‌ڕێوه‌چوونى پرۆژه‌ی سه‌رژمێرییكردنه‌كه.
هاوكات بڕیاریش درا، كه كێشه‌ى ڕاهێنانكردن به كادیرانی پرۆژه‌ى سه‌رژمێریكردن له هه‌رێمی كوردستان، چاره‌سه‌ر بكرێت.
وەڵام بدەوه