ئەندامێكی لیژنەی دارایی ئەنجوومەنی نوێنەرانی عێراق دەڵێت، بانكی ناوەندیی عێراق بەردەوامە لە دابینكردنی پارەی كاش بۆ خەرجكردنی مووچەی فەرمانبەرانی عێراق لە وادەی خۆیدا بە هەرێمیشەوە.
ئەمڕۆ شەممە 24ـی ئاب، موعین كازمی سەرۆكی لیژنەی دارایی لە پەرلەمانی عێراق رای گەیاند، وەزارەتی دارایی عێراق مانگانە پێویستی بە زیاتر لە حەوت ترلیۆن دینار هەیە بۆ ئەوەی مووچەی سەرجەم فەرمانبەرانی بە هەرێمی كوردستانیشەوە.
زیاتر گوتی، مووچەی فەرمانبەران بە تەواوی لە بودجەدا دابین كراوە و هیچ مەترسییەك لەسەر دواكەوتنی نییە.
باسی لەوەش كرد، مووچەی فەرمانبەرانی هەرێمی كوردستان لەلایەن وەزارەتی دارایی تێبینیی لەسەر هەبووە، دەتوانرێت چارەسەر بكرێت و ئەو كێشانە تێپەڕێنرێت.
ماوەی 34 ڕۆژە وەزارەتی دارایی عێراق بەبێ هیچ هۆكارێك تەنیا چەند تێبینییەكەی هەبوو، پێدانی مووچەی فەرمانبەرانی كوردستانی راگرت، بڕیارە لە ڕۆژی یەكشەم یان دووشەم جارێكی تر لیستی مووچە بۆ بەغدا بێتە ناردن و تێبینییانە چارەسەر بكرێن.
وەڵام بدەوه