ئەوکاتەی شیعە بەهۆی باڵادەستیان لە پەرلەمانی عێراق دەیانەوێ پڕۆژەی هەمواری یاسای باری كەسێتی تێبپەڕێنن و بیكەن بە یاسایەكی بەركار، زۆر بابەتی هەستیار پێوەست بە خێزان و ژن و میرات و هاوسەرگیری لە دادگاوە بگوازنەوەی بۆ لای پیاوانی ئاینی لە مەزەوە جیاوازەكان، ئەوەش وەك شارەزایان وەسفی دەكەن كارەساتە، ئەمەریكا نیگەرانیی خۆی بەرانبەر بە هەوڵەكانی هەمواركردنی یاساكە دەربڕی.
لە پۆستێكی ئەلینا رۆمانۆوسكی، باڵوێزی ئەنەریكا لە عێراق هاتووە، هەست بە نیگەرانی دەكەین بەرانبەر بە هەموارە پێشنیازكراوەكان بۆ یاسای باری كەسێتی لە عێراق، كە دەبێتە هۆی كەمكردنەوەی مافەكانی ژن و منداڵ.
زیاتر گوتی، ئێمە هانی عێراقییەكان دەدەین بۆ چوونە ناو گفتوگۆیەكی شارستانیانە كە بەتەواوەتی رێزی ئاین و بیروباوەڕ و مافەكانی ژن و منداڵی تیادا بگیرێت، رۆمانۆوسكی ئاماژەی بۆ هەڵوێستێكی پێشووی فیدانت باتل، گوتەبێژی وەزارەتی دەرەوەی ئەمەریكا لەوبارەوە كرد.
ئەو هەوڵەی شیعە و حزبە ئیسلامییە سیاسییەكان رووبەڕووی ناڕەزایەتییەكی گەورەی هێزە مەدەنی و چەند توێژێكی فرەوانی كۆمەڵگەی عێراق دەبێتەوە، لەوانە ژنان و چالاكانی بواری مافی ژن و منداڵ و یاساناسان، لە راپرسییەكی ئەلیكترۆنی شەمووی رابردوو لە عێراق لەبارەی هەمواری یاساكە ئەنجام دراوە و زیاتر لە 60 هەزار كەس لە ناوخۆ و دەرەوەی عێراق بەشداریان تیایدا كرد، زۆرینەیان بەتوندی دژی هەموارەكە بوون، كە لە پەرلەمان یەكەم خوێندنەوەی بۆ كراوە و چاوەڕوانی دوو خوێندنەوە و دەنگدان دەكات.
وەڵام بدەوه