ئاژانسی هەواڵی رۆیتەرز بڵاوی كردەوە كە ئێوارەی ئەمڕۆ بە چوارمووشەك هێرش كراوەتە سەر بنكەی سەربازی "عەین ئەسەد" لە ئەنبار كە هێزەكانی ئەمەریكا و هاوپەیمانانی لێیە.
بەپێی سەرچاوە "ئەمنییەكان" كە زانیارییان بە پێگەی رۆیتەرز داوە ، ئێوارەی ئەمڕۆ بە چوار مووشەك هێرش كراوەتە سەر بنكە سەربازییە ئەمەریكییەكە و ئاماژە بۆ ئەوەیش كراوە كە جۆری مووشەكەكان نەزانراوە.
سەرچاوە تەناهییەكە هیچ زانیارییەكی تری لەبارەی زیانە مادی و گیانییەكان بڵاو نەكردووەتەوە، هاوكات پێگە هەواڵییە عێراقییەكانیش پشتڕاستی هێرشە مووشەكیەكەیان كردووەتەوە.
جێگەی ئاماژەیە، ئەم هێرشە مووشەكیەی ئەمجارە دوای ئەوە دێت كە دوێنی لە واشنتن كۆبوونەوەیەكی "ئەمنی" لە نێوان عێراق و ئەمەریكا سازدراوە بۆ كۆتاهێنان بە ئەركی هێزەكانی هاوپەیمانان لە عێراق.
وەڵام بدەوه