لە كۆبوونەوەیەكی نێوان سەرۆكی ئەنجوومەنی وەزیرانی عێراق و كۆمیسیۆنی باڵای سەربەخۆی هەڵبژاردنەكانی عێراقدا، داوایان لێ دەكات كێشەكانی بەردەم هەڵبژاردنی هەرێمی كوردستان چارە بكەن و نابێت پێشوەختە دیزاین كرابێت.
ئەمڕۆ دووشەم، هەشتی نیشان، محەمەد شیاع سوودانی، سەرۆكی ئەنجوومەنی وەزیرانی عێراق، بۆ پرستی هەڵبژاردنی هەرێمی كوردستان لەگەڵ شاندێكی كۆمیسیۆنی باڵای سەربەخۆی هەڵبژاردنەكانی عێراق كۆ بووەوە و ئەو ئاڵۆزییانەیان باس كرد كە بۆ ئەم هەڵبژاردنە دەكەوێتە بەردەمیان.
لە كۆبوونەوەكەدا دووپاتی كردەوە كە پێویستە كێشەكانی ڕوویان لە كۆمیسیۆن كردووە چارەسەری بكەن و بە شێوەیەكی یاسایی تایبەت هەڵبژاردنەكە بەڕێوە بچێت كە ئازاد و خاوێن و شەفاف بێت و جێی چاوەڕوانیی گەلی كورد بێت.
ئەم گوتەیەی سوودانی، ڕێك دداننانە بەو هۆكارەی پارتی دیموكراتی كوردستان لە هەڵبژاردنەكەدا كشاوەتەوە، ئەویش دیزانی پێشوەختەی ئەنجامەكانە لەلایەن وڵاتێكی هەرێمییەوە و پارتییش ئەوەی قەبووڵ نییە. سەرۆكی ئەنجوومەنی وەزیرانی عێراق دەخوازێت چارەیەك بۆ ئەو بابەتە بدۆزێتەوە.
وەڵام بدەوه