لە ھەندێک سایت بڵاوکردبووە کە شرووبێكی مەترسیدار بوونی هەیە و دەبێتە هۆی گیان لە دەستدانی منداڵان.
دوای بڵاو بوونەوەی ئەو راپۆرتانە، د.سامان بەرزنجی وەزیری تەندروستی حكوومەتی هەرێمی كوردستان، كەوتە بەدواداچوون، بۆ ئەوەی دڵنیا بێتەوە لە كوالێتی كۆنترۆڵی دەرمان و ئەو لایەنانەی پێوەند بە دەرمان، دوای بەدواداچوونی، د. سامان بەرزنجی بۆ "وشە" گوتی، شرووبی "دۆك وەن ماكس" نە كۆمپانیاكەی نە جۆرەكەی لە هەرێمی كوردستان بە هیچ شێوەیەك بەكار نایەت.
وەزیری تەندروستی حكوومەتی هەرێمی كوردستان وەك خۆی دەڵێ، خواستی ئەوەیە كەرتی تەندروستی لە كوردستان چەند هەنگاوێكی تر بباتە پێشەوە، روونی كردەوە، مادەی شرووبەكەیش لە هەرێمی كوردستان، رێ بە هاوردەی نەدراوە. هەروەك دڵنیاییدا كە هاووڵاتییانی كوردستان ئەو شرووبەیان بەكار نەهێناوە، چونكە بوونی نیە.
شرووبی "دۆك وەن ماكس" كە لە ئۆزپاكستان 18 منداڵی كوشت، بە فەرمی لە كوالێتی كۆنترۆڵی هەرێمی كوردستان تۆمار نەكراوە، بەڵام بە قاچاخ هێنراوەتە ژوورەوە و لە هەندێك كۆگە و دەرمانخانە دەست دەكەوێت
وەڵام بدەوه