پزیشكان ئامۆژگاری ئەو كەسانە دەكەن كە پەستانی خوێنیان هەیە و دەیانەوێت بە ئامێر لە ماڵەوە یاخود لای پزیشك پشكنین ئەنجام بدەن، دەبێت چەند كارێك هەیە پێشوەختە ئەنجامی بدەن.
یونونا خامیچكایا كە پزیشكێكی تایبەتی نەخۆشییەكانی دڵە دەڵێت: هەر نەخۆشێك پێش ئەنجامدانی پشكنینی پەستانی خوێن لە ماڵەوە یاخود لە نۆرینگە پزیشكییەكان، دەبێت چەند كارێك هەیە ئەنجامی بدات ئەوانیش بریتین لە:-
- پشكنینی پەستانی خوێن دەبێت بەر لە خواردنی حەب و چارەسەرییەكان ئەنجام بدرێت.
- نیو كاتژمێر بەر لە پشكنین، نابێت جگەرە و قاوە بخورێتەوە.
- بەر لە دەستپێكردنی پشكنین، دەبێت بچیتە توالێت و دواتریش بۆ ماوەی 5 خولەك بە هێمنی دابنیشی.
- لە كاتی پشكنین دەبێت دەستەكان شل بكرێن و بۆ ئاستی دڵ بەرز بكرێنەوە.
- بەهیچ شێوەیەك نابێت پشكنین لەسەر جلوبەرگ ئەنجام بدرێت، بەڵكو دەبێت لەسەر دەستی رووت بكرێت.
- ئەو كەسەی پشكنین دەكات، دەبێت لەسەر كورسی دابنیشێت، نەك لەسەر ئەرز و قاچەكانی توند بنوشتێنێتەوە.
- لە كاتی ئەنجامدانی پشكنین دەبێت ئارام بیت و نابێت قسە بكەیت.
- لە كاتی پشكنیندا نابێت ترس و دڵەراوكێ هەبێت، چونكە رەنگە ئەم ترس و دڵەڕاوكێیە ببێتە هۆكاری بەرزبوونەوەی پەستانی خوێن.
- ئەو كەسانەی نەخۆشی پەستانی خوێنیان هەیە، بەلایەنی كەم دەبێت هەفتانە جارێك یان دووجار پشكنین ئەنجام بدەن.
وەڵام بدەوه