دە ملیار دیناری دیکە گەیشت.

بەڕێوەبەری گشتیی بازرگانی هەرێمی كوردستان ڕایدەگەیەنێت، بڕی 10 ملیار دینار خرایە سەر ئەژماری وەزارەتی بازرگانی و پیشاسازیی حكوومەتی هەرێمی كوردستان.

كەمێك پێش ئێستا (چوارشەممە 21/6/2023)، وەزارەتی بازرگانی و پیشەسازیی حكوومەتی هەرێمی كوردستان، لە پەیجی فەرمیی خۆی، لە تۆڕی كۆمەڵایەتیی (فەیسبووك)، لێدوانێكی بەڕێوەبەری گشتیی بازرگانی هەرێمی كوردستانی بڵاو كردووەتەوە و ڕایگەیاندووە: "بڕی 10 ملیار دینار خرایە سەر ئەژماری وەزارەتی بازرگانی و پیشاسازیی حكوومەتی هەرێمی كوردستان، كە تایبەتە بە شایستە داراییەکانی جووتیاران بۆ ساڵی 2023."

ئەوەشی خستووەتە ڕوو، پاش تەواوبوونی ڕێکارە کارگێڕی و داراییەکان، دەست بە دابەشکردنی شایستە داراییەكانی جووتیاران دەکرێت و بەپێی ڕۆژی ڕادەستکردنی گەنمەکانیان بە سایلۆکان و بەم شێوەیەی خوارەوە:

هەولێر/ دوو ملیار دینار

سلێمانی/ پێنج ملیار دینار

دهۆک/ سێ ملیار دینار