بانكی پیشەسازی ئەمڕۆ یەكشەممە، فرۆشتنی ڕاستەوخۆی دۆلار-ی بە هاووڵاتیان بۆ گەشتكردن ڕایگەیاند.
میدیای بانكەكە لە بەیاننامەیەكدا ڕایگەیاندووە ، بانكەكە دەستیكردووە بە فرۆشتنی دۆلار بە هاووڵاتیان بۆ مەبەستی گەشتكردن لە هەموو لق و ئۆفیسەكانی لە بەغدا و پارێزگاكان.
ئاماژەی بەوەشكردووە، فرۆشتنەكە لە ڕێگەی كارتی پارەدانی ئەلیكترۆنی (ماستەركارد) دەبێت كە بە تایبەتی لەلایەن بانكەوە دەرچووە و بۆ هەر كەسێك لە مانگێكدا 10هەزار دۆلاری ئەمریكی پێدەدرێت.
بانكە روونیشیكردۆتەوە كە فرۆشتنەكە بەپێی نرخی ئاڵوگۆڕی فەرمی دەبێت كە لەلایەن ناوەندی عێراق پەسەندكراوە .
وێرای ئەوەی پێشتر بانكی ناوەندیی عێراق رایگەیاندبوو كە یەك دۆلاری ئەمریكی بە 1320 دیناری عێراقی لەلایەن بانك و دامەزراوە داراییە نابانكییەكانەوە دەفرۆشرێت، بەڵام ھێشتا لە بازاڕەكاندا، نرخی یەك دۆلاری ئەمریكی بە 1553 هەزار دینار مامەڵەی پێوە دەكرێت.
وەڵام بدەوه