لەبارەی دۆلارەوە بڕیارێکی تر درا.

پەرلەمانتارێکی عێراق ئاشکرای کرد،ئەمڕۆ شەممە هێڵی ئاسمانیی عێراق بڕیاری دا فرۆشتنی بلیتی گەشتی فڕۆكە لە دۆلارەوە بكرێتە دینار.

کاروان یاروەیس،ئەندامی ئەنجوومەنی نوێنەرانی عێراق  ڕاگەیاند: دوای ئەوی ماوەیەک پێش ئێستا نووسراومان ئاراستەی بەڕێوەبەرایەتیی هێڵی ئاسمانیی عێراق كرد و داوامان کرد نرخی فرۆشتنی بلیت بكرێتە ئەو نرخەی كە لە بانکی ناوەندیی عێراق هەیە و کاتی گەشتەکان و خزمەتگوزارییەکانیان رێكبخرێتەوە،ئەمڕۆ وەڵامیان داینەوە."

گوتیشی: "ئەمڕۆ لەمیانی گفتوگۆماندا لەگەڵ به‌ڕێوه‌به‌ری هێڵی ئاسمانیی عێراق، پێی راگەیاندین کە لەمەودوا فرۆشتنی بلیتی گەشتی فڕۆكە بە دیناری عێراقی دەبێت و بەپێی ئەو نرخەش مامەڵە لەگەڵ دۆلار دەکەن کە بانکی ناوەندیی عێراق دیاری کردووە کە 132 هەزار دیناره‌ و بڕیارەکەش بلیتی هەموو گەشتەکانی هێڵی ئاسمانیی عێراق دەگرێتەوە.