بانکی ناوەندی عێراق داوایەکی ئاڕاستەی هەریەک لە بانکەکانی رافیدەین، رەشید و بانکی بازرگانی عێراقی کردووە بۆ زیادکردنی لقەکانی فرۆشتنی دۆلار بۆ ئەو کەسانەی بە مەبەستی گەشتکردن پارە دەگۆڕنەوە.
بانکی ناوەندی عێراق، لە ڕاگەیەنراوێکیدا ئاشکرای کردووە، ژمارەی لقەکانی ئاڵوگۆڕی دراو لە فڕۆکەخانەکانی بەغدا، هەولێر، سلێمانی بەسرە، نەجەف زیاددەکرێن.
لە ڕاگەیەنراوەکەدا هاتووە "لە بەیانیان و شەوانیشدا پێویستە داواکارییەکان وەربگیرێن بۆ سوودمەندبوونی زیاتری گەشتیاران لە گۆڕنەوەی دراو بە نرخی فەرمی خۆی."
بانکی ناوەندی عێراق ئەوەشی ئاشکرا کردووە، فرۆشی دۆلاری کاش ئەو گەشتیارانەش دەگرێتەوە کە لە سنورە وشکانییەکانەوە گەشت دەکەن لەو لقانەی کە لە بانکەکاندا تەرخان کراون بۆ ئاڵوگۆری دراو تایبەت بەو کەسانەی (ڤیزا یان مۆڵەتی بردنەی ئۆتۆمبێلیان هەیە بۆ دەرەوەی وڵات).
وەڵام بدەوه