نرخی زێڕ لە بازاڕەكانی كوردستان گەیشتە بەرزترین نرخی لە مێژوودا تۆمار كرابێت، ئەوەیش بۆ بەرزبوونەوەی نرخی زێڕ لە بازاڕەكانی دنیا دەگەڕێتەوە. دانا كەمال خاوەنی زێڕنگری دونیا، راگەیاند، نرخی زێڕ لە سێ ڕۆژی رابردوودا بەردەوام لە بەرزبوونەوە بووە، هەرچەندە لە ناوخۆی هەرێمی كوردستان و عێراق نرخەكەی بەپێی نرخی جیهانی دادەنرێت.
زیاتر گوتی، ئەو نرخە بەردەوام لە بەرزبوونەوەدا بوو، بۆیە ناچار بووین ئێمەش نرخەكەی بەرز بكەینەوە.
باسی لەوەش كرد، ئەو نرخەی ئەمڕۆ بۆ زێڕ لە كوردستان هەیە، بەرزترین نرخە لە مێژوودا تۆمار كرابێت بۆ كڕینی زێڕ.
بەگوتەی ئەو زێڕفرۆشە نرخی زێڕ بۆ ئەمڕۆ بەم شێوەیە:
یەك مسقاڵ زێڕی عەیار 24 بە 1,124,000 دینارە
یەك مسقاڵ زێڕی عەیار 21 بە 990 هەزار دینارە
یەك مسقاڵ زێڕی عەیار 18 بە 842 هەزار دینارە
ئێستە لە بازاڕەكانی دنیا ئۆنسێك زێڕ گەیشتووەتە چوار هەزار و 712 دۆلار.
وەڵام بدەوه