دوو مووچە لە رێگایە

یاریدەدەری سەرۆکی حکومەتی هەرێمی کوردستان رایگەیاند، وەزارەتی دارایی هەرێم سەرقاڵی کۆکردنەوەی ناردنی 120 ملیار دینار داهاتی ناوخۆیە ئەگەر هەیە لە مانگی 11 دوو مووچە دابەش بکرێت

ڕێباز حەملان، یاریدەدەری سەرۆکی حکومەتی هەرێم ئاشکرای کرد، هەوڵی تەواو دەدەین لە مانگی 11دا مووچەی مانگەکانی 9 و 10 پێکەوە بنێردرێن، لقی بانکی ناوەندیی عێراقیش لە هەولێر پارەی پێویستی هەیە بۆ دابەشکردنی دوو مووچە و سێ مووچەش.

وتیشی، ئەگەری زۆر هەیە لە مانگی 11دا دوو مووچە دابەشبکرێت، دەشڵێت، مووچەی مانگی 9 لە سەرەتای مانگ و دواتریش مووچەی مانگی 10 دابەشبکرێت.

ئاماژەی بەوەشکرد، بەغدا هیچ بیانوویەکی نەماوە و پێویستە مووچەی فەرمانبەرانی هەرێم خەرج بکات.

وتیشی، باسی لەوەشكرد، حکومەتی هەرێمی کوردستان هەموو پابەندییەکانی خۆی بەرامبەر حکومەتی فیدراڵ جێبەجێکردووە، لەوانەش هەناردەکردنەوەی نەوت، ناردنی داهاتی ناوخۆ و پاککردنەوەی لیستی مووچە.

ڕوونیشكردەوە، کە مەسرور بارزانی، لە رۆژی دەستپێکردنەوەی هەناردەی نەوتدا بە محەمەد شیاع سودانی وتووە، هەرێمی کوردستان پابەندییەکانی خۆی جێبەجێ کردووە و پێویستە عێراقیش مووچەکانی ساڵی 2025 بنێرێت.