سەرۆكی ئەمەریكا لە چەند سەعاتی داهاتوودا "دایكی جەنگەكان" دەست پێ دەكات كە بە دایكی جەنگە بازرگانییەكان ناسراوە و لە هەڵمەتی هەڵبژاردنەكاندا زۆر دووپاتی لەسەر كردووەتەوە، ئەم جەنگەیش بە سەپاندنی باجى گومرگیی نوێ دەست پێ دەكات و چەند رێكارێكی تر لەخۆ دەگرێت. بە گوتەی ترەمپ، ئەمە كردنەوەی دەرگای خۆشبەختی و چەرخی زێڕینە بۆ ئەمەریكا، كە بە بڕوای شرۆڤەكارانی ئابووری ئەمانە دەبنە هۆی داڕمانی ئابووریی وڵاتانی تر و دنیا.
بەگوێرەی گوتەی كارۆلاین لیڤیت، گوتەبێژی كۆشكی سپی، ترەمپ تا ئێستەیش لەسەر هێڵە و بەردەوامە لە كاركردن لەسەر ئەم پرسە، دەستپێكی ئەم جەنگە ئابوورییە لە ئانوساتەكانی راگەیاندنیەتی، بەڵام ئەوەی نادیارە هێشتا وردەكاری و ناوەڕۆكی پلانەكەیەتی.
كارۆلاین لیڤیت بە ئاماژەدان بەوەی كە پاكێجێكی بەرفراوانی سەپاندنی باجى نوێی گومرگی گوتی، سبەی دادۆشینی ئەمەریكا كۆتایی دێت و ئەمەیش راستەوخۆ دوای ئەوە دێت كە ترەمپ رای دەگەیەنێت.
چاوەڕێ دەكرێت ئاشكراكردنی ئەم باجە نوێیە گومرگییانە راستەوخۆ دوای داخستنی بۆرسەی نیۆرك بێت، هەروەك ترەمپ ئەمڕۆ چوارشەم دووی نیسان لە كۆشكی سپییەوە رای گەیاند، ئەمانە دەبنە رۆژی ئازادكردنی ئەمەریكا.
جێگەی ئاماژەیە، دۆناڵد ترەمپ سەرۆكی ئەمەریكا لە كاتی هەڵمەتی هەڵبژاردنەكان و دوای هاتنە سەر تەختی سەرۆكایەتیی ئەمەریكا، رژد بوو لەسەر ئەوەی كە دەبێت گۆڕانكارییەكی گەورە لە ئابووریی ئەمەریكا بێنێتە كایەوە و چەندان خەرجیی گەورەی ناپێویست هەن رایانگرێت، هاوكات باجى نوێی گومرگیش بخاتە سەر كاڵای چەند وڵاتێك.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه