تمەنی ئێرانی هاڕەی کرد

ئێوارەی ئەمڕۆ تمەن گەورەترین دابەزینی مێژوویی بەخۆیەوە بینی لەوكاتەیدا 100 دۆلار بەرانبەرە بە حەفت ملیۆن و 100 هەزار تمەنی ئێرانی. 

ئێوارەی ئەمڕۆ شەممە، 23ی تشرینی دووەمی 2024، بەپێی ئەو نرخانەی لە گرووپەكانی ئاڵوگۆڕی دراو لە شارەكانی كوردستان بڵاو دەكرێنەوە، نرخی 100 دۆلار یەكسانە بە حەوت ملیۆن و 100 هەزار تمەن "حەواڵە بەیانی" و ئەم نرخەیش بە گەورەترین داشكان دادەنرێت لە مێژووی تمەندا بەرانبەر دۆلار. 

جێگەی ئاماژەیە، تا ئەوكاتەی ترەمپ باسوخواسی سەركەوتنی لە هەڵبژاردنەكاندا دیار نەبوو، 100 دۆلاری ئەمەریكی بەرانبەر بوو سەرووی پێنج ملیۆن و 600 هەزار تمەن، لەگەڵ دووبارە هەڵبژاردنەوەی ترەمپ بە سەرۆكی ئەمەریكا تمەن بەرەو داڕمانی تەواو چوو كە بە بڕوای چاودێرانی بواری ئابووری و سیاسی، پێوەندیی لە دەستدانی بەهای تمەن و دەرچوونەوەی ترەمپ، دژایەتی سەرسەختی ترەمپە بەرانبەر سیاسەتی ئێران و چاودێران وای دەبینن لەگەڵ دەستبەكاربوونەوەی، سیاسەتی ئەوپەڕی گوشار بەرانبەر ئێران بگرێتە بەر.