بەرپرسێکی بانکێكی سنووری سلێمانی ئاگاداری مووچەخۆران دەکاتەوە کە وێڕای پشوو سبەی و دووسبەی بۆ مامەڵەی بایۆمەتری و (UPN) دەوام دەکەن. بەرپرسێکی تۆماری بایۆمەتری هەولێریش ئاشکرای دەکات ئەوان دەوام ناکەن و کەس سەردان نەکات.
بەڵێن ئەحمەد، بەڕێوەبەری بانکی سەیدسادق، بە (باسنیوز)ی ڕاگەیاند: "سبەی هەیینی 15ی11و شەممە 16ی11 سەرەڕای پشووی فەرمی ئەو بانکانەی بنکەی تۆماری بایۆمەتریان هەیە دەوام دەکەین بەمەبەستی دروستکردنی ژمارەی کەسی بێ هاوتا (UPN)."
ئەوەشی خستە ڕوو: "ئێمە ئاگادار کراینەوە لە سنووری سلێمانی و هەڵەبجه دەوام دەکەین."
ئاماژەی بەوەش داوە: "ئاگاداری مووچەخۆران دەکەینەوە، فەرمانبەران، خانەنشینان، کەسوکاری شەهیدان و ئەنفالکراوان و زیندانیانی سیاسی و مامۆستایانی گرێبەست، هەر کەسێک بایۆمەتری و (یو پی پێن)ی نەکردووە دەتوانن سەردانمان بكەن بەمەبەستی تۆمارکردن."
پێشتر وەزارەتی دارایی بڵاوی کردەوە: "هەر مووچەخۆرێك تاوەکوو 20ی11ی2024 بایۆمەتری نەبێت، لەلایەن وەزارەتی دارایی عێراقەوە مووچەکەی ڕادەگیرێ."
لای خۆیەوە ژیار ئەكرەم، سەرپەرشتیاری بنكەكانی تۆماری بایۆمەتریی هەولێر، راگەیاند: سبەی و دووسبەی ئێمە لە هەولێر دەواممان بۆ بایۆمەتری نییە و ڕۆژانی ئاسایی دەواممان دەبێت."
شیرین ئهحمهد ڕۆژبەیانی، بەڕێوەبەری یەکێک لە بانكەکان بە (باسنیوز)ی ڕاگەیاندبوو: "ئێمە پێشووتر ڕۆژانی پشوو دەواممان کردووە، بەڵام سبەی و شەممە دەواممان نابێ یەکشەممە بایۆمەتری دەکەین بەتایبەت بۆ ئەو مووچەخۆرانەی بهپێی یاسا و ڕێنوێنییهكان پێویستیان به تۆماری بایۆمهترییه بانکەکان."
وەڵام بدەوه