دوای گۆڕانی كەشوهەوا، نرخی مریشك لە بازاڕەكانی كوردستان رووی لە بەرزبوونەوە كردووە و ئێستە نرخی كیلۆیەك مریشك بە سێ هەزار و 250 دینارە.
ئەمڕۆ پێنجشەم 14ی تشرینی دووەم، زانا شێخ حەسەن ئەندامی كۆمەڵەی كێڵگە پەلەوەرییەكانی هەولێر، راگەیاند، لەگەڵ 10 رۆژ پێش ئێستە نرخی كیلۆیەك مریشك 800 دینار گران بووە.
زیاتر گوتی، تێچووی هەر كیلۆیەك مریشك لەسەر جووتیار، دوو هەزار و 500 دینار بۆ دوو هەزار و 750 دینارە، لە سەرەتای ئەو مانگە كیلۆی بە دوو هەزار و 500 دینار بوو، ئەوەیش زیانی بۆ سەر جووتیاران.
روونی كردەوە، گۆڕانی كەشوهەوا وایكردووە خواست لەسەر بەرهەمی مریشك زیاتر بێت، ئەگەر رێگەدان هەبێت بۆ خوار و ناوەڕاستی عێراق، ئەوا گرانتریش دەبێت.
بەگوتەی ئەو جووتیارە، بۆ ئەمڕۆ نرخی كیلۆیەك مریشك لە نێوان سێ هەزار بۆ سێ هەزار و 300 دینارە، ئەوەیش بەپێی شار و شوێن نرخەكەی دەگۆڕێت، بۆیە بەو نرخە جووتیار زیان ناكات و زۆر گونجاوە.
هەرێمی كوردستان لە بەرهەمی مریشك ئاستی خۆبژێوی تێپەڕاندووە و ئێستە بەرهەمی دەنێرێت بۆ خواروو و ناوەڕاستی عێراق.
وەڵام بدەوه