زانیاریی نوێ لەبارەی مووچەی مانگی حەوت ئاشكراكرا
یاریدەدەری سەرۆك وەزیرانی هەرێم رایدەگەیەنێت، حكومەتی هەرێم لەگەڵ بەغداد لە گفتوگۆدایە ئەم هەفتەیە مووچەی مانگی 7 بنێرێت و دواتر تێبینییەكان چاكبكرێن.
رێباز حەملان، یاریدەدەری سەرۆك وەزیرانی هەرێم لە دیدارێكیدا رایگەیاند، ئەو تێبینییانەی كە هەبوون لەسەر بابەتی ژمارەی فەرمانبەران و ئەو مامۆستایانەیە كە لە كەركوك ئەو سنوورانە دەوامدەكەن و لە هەرێم مووچە وەردەگرن.
راشیگەیاند، لە مانگەكانی رابردوودا پارەی تەرخانكراو بۆ مووچە 956 ملیار دینار بووە و بۆ مووچەی مانگی حەوت ئەو لیستە بۆ بەغداد نێردراوە كە مووچەی خانەنشینان هاوتابكرێت و بڕی 54 ملیار دیناری پێویست بووە.
رێباز حەملان جەختیكردەوە وتیشی، " حكومەتی هەرێم لەگەڵ بەغداد لە گفتوگۆدایە ئەم هەفتەیە مووچەی مانگی 7 بنێرێت و دواتر تێبینییەكان چاكبكرێن".
وەڵام بدەوه