لیستی مووچەخۆرانی فەرمانبەران بەتەواوی ئامادەکر

وەزارەتی دارایی و ئابووریی حکوومەتی هەرێمی کوردستان وردەکاریی ئامادەکردنی لیستی مووچەی فەرمانبەران و مووچەخۆرانی هەرێمی کوردستان ئاشکرا دەکات.

لەبارەی ئامادەکردنی لیستی مووچە، بەرپرسێکی وەزارەتی دارایی و ئابووریی حکوومەتی هەرێمی کوردستان چەند زانیارییەکی گرنگ ئاشکرا کرد و رایگەیاند. دوای چوار شەو و ڕۆژ لە کاری بەردەوام سەرەنجام لیستی مووچە بەتەواوی ئامادەکرا."

گوتیشی: "(سی دی) هەموو وەزارەتەکان و لیستی پوختەی ژمارەی فەرمانبەران و مووچەی هەر وەزارەتێک بەتەنیا لە وەزارەت ئامادە کراوە."

ڕوونیشی کردەوە: "وەزارەتی دارایی هەموو وەزارەتەکانیان کردووەتە یەک (شیت ئەکسڵ) واتا هەموو وەزارەتەکان (تەوحید - یەک خراون) کراون و بەیەک (شیت)."

ئەو سەرچاوەی دارایی ئەوەشی ڕاگەیاند کە چەند لیستێک بەتەنیا یەکخراون، گوتیشی: "لیستی سەربازی بە تەنیا یەک خراون، لیستی خانەنیشینانی کوردستان بە تەنیا یەک خراون، لیستی کەمئەندامان بە تەنیا یەک خراون، لیستی کەسوکاری شەهیدان و ئەنفال بە تەنیا یەک خراون، لیستی فەرمانبەرانی گرێبەست یەک خراون."

باشی لەوەش کرد لیستی مووچە بە شێوازی یەککراو و شێوازی هەر وەزارەتێک، ئامادەکراوە و بۆ دارایی عێراق دەنێردرێت، گوتیشی: "کارەکە بەشێوازێک بە وردی کراوە بۆ ئەوەی بەغدا هیچ بیانووێکی نەبێت."

دوێنێ 4ی3ی2024، ئاوات شێخ جەناب، وەزیری دارایی و ئابووریی حکوومەتی هەرێمی کوردستان ڕایگەیاند: "هەموو ئامادەسازییەکانمان بۆ لابردنی لەمپەرەکانی بەردەم ناردنی مووچەی فەرمانبەرانی هەرێمی کوردستان لەلایەن بەغداوە کردووە و ڕاپۆرتی تەرازووی پێداچوونەوەی مانگی ڕابردوومان ناردووە و لە نزیکترین کاتدا لیستی مووچەی فەرمانبەران ڕەوانەی وەزارەتی دارایی عێراق دەکرێت."

وەزیری دارایی ڕوونیشی كردەوە: "هۆکاری دواکەوتنی ناردنی لیستی مووچەی فەرمانبەران پەیوەندی بە هەندێک ئاستەنگی هونەریی و داواکارییە نوێیەکانی وەزارەتی دارایی عێراقەوە هەبوو کە دەستکراوە بە جێبەجێکردنیان."