بەرپرسێكی وەزارەتی دارایی روونكردنەوە بەو فەرمانبەرانە دەدات كە مۆڵەتن، دەشڵێت:" ئەوانەی مۆڵەتی بێ مووچەیان هەیە، مووچەكانیان نانووسرێت، بەڵام ئەوانی دیكە هەر جۆرە مۆڵەتێكیان هەبێت ناو و مووچەیان تۆمار دەكرێت."
شەوی رابردوو وەزارەتی دارایی نووسراوێكی بۆ سەرجەم وەزارەتەكان كرد كە بەپەلە لیستی مووچەی مانگی شووبات ئامادە بكرێت، چونكە بۆ وەزارەتی دارایی عێراق دەنێردرێت.
لە خاڵێكی نووسراوەكەدا ئاماژە بەوە دراوە: "هەموو مووچەخۆرێك كە لە میلاكدایە تۆمار بكرێت، ئەگەر هەر جۆرە مۆڵەتێكیش بێت ناو و زانیاریەكانی دەنووسرێت، بەڵام هیچ بڕە پارەیەكی بۆ نانووسرێت.
بەرپرسێكی فەرمانگەی ژمێركاری وەزارەتی دارایی، لەسەر ئەو پرسە راگەیاند: ئەوانەی مۆڵەتی بێ مووچەیان هەیە، مووچەكانیان نانووسرێت، چونكە بێ مووچە مۆڵەتیان هەیە، بەڵام ئەوانی دیكە هەر جۆرە مۆڵەتێكی خوێندن یان دایكایەتی یان مۆڵەتی نەخۆشیان هەبێت ئەوە ناو و مووچەیان تۆمار دەكرێت.
ئاماژەی بەوەش دا: "ئەوانەی مۆڵەتی بێ مووچەن ناو و ناونیشانیان دەنووسرێت، بەڵام مووچە و دەرماڵەیان لە لیستی مووچە بە بەتاڵی دەهێڵدرێتەوە.
ساڵانە لە هەرێمی كوردستان بەشێكی فەرمانبەرێكی مۆڵەتی جۆراوجۆر دەكەن كە لە نێوان ساڵێك بۆ پێج ساڵە.
بەرپرسەكەی وەزارەتی دارایی روونیشی كردەوە: "هەموو فەرمانبەران و مووچەخۆرانی هەرێمی كوردستان شایستەی دارایی خۆی چۆن بێت پێیان دەدرێت و كەس مافی ناخورێت."
جەختیشی كردەوە: هەموو هەوڵێك دەدرێت تاوەكوو بتواندرێت لیستەكان ئامادە بكرێن و سبەی یەكشەممە بۆ وەزارەتی دارایی عێراق بنیردرێت
وەڵام بدەوه