ئەمڕۆ یەكشەممە (19ی تشرینی دووەمی 2023) سەرچاوەیەكی ئاگادار بە ماڵپەڕی (بەغداد ئەلیەوم) ڕایگەیاندووە: "حکوومەتی عێراقی فیدراڵ دوایین پارەی دارایی كە بڕی 700 ملیار دینارە لە ماوەی هەفتەی کۆتایی ئەم مانگەدا، بەپێی ئەو ڕێککەوتنەی لەنێوان بەغدا و هەولێردا هەیە، دەنێرێت.
سەرچاوەكە ئاماژەی بەوەش کردووە: دوای ناردنی ئەو بڕە پارەیە، ڕێککەوتنێکی نوێ لەنێوان هەردوو حكوومەتی عێراقی فیدراڵ و هەرێمی كوردستاندا دەكرێت.گفتوگۆی نێوان حكوومەتی هەرێمی كوردستان و عێراقی فیدڕاڵ، بۆ دەستپێكردنەوەی هەناردەی نەوتی هەرێمی كوردستان لە ڕێگەی بەندەری جەیهانی توركیا و هەروەها ناردنی بەشە بودجەی هەرێمی كوردستان بەردەوامە و خاڵی زۆری بڕیوە، چاوەڕوانكراوە پێش كۆتایی ئەمساڵ ڕێككەوتنێكی نوێ بكرێت و خاڵەكانی رێككەوتنەكە بە هەمواركردنەوەی چەند ماددەیەكی یاسای بودجەی گشتی بۆ ساڵەكانی (2024- 2025) بچنە واری جێبەجێكردنەوە. هەر بەپێی زانیارییەكان، حكوومەتی هەرێمی كوردستان وەڵامی تەواوی پرسیارەكانی حكوومەتی عێراقی فیدڕاڵی سەبارەت بە خەرجی و داهات داوەتەوە. بە گوتەی بەرپرسانی حكوومەتی هەرێمی كوردستان، هیچ بیانوویەك بۆ بەغدا نەماوەتەوە، كە بودجەی هەرێمی كوردستان نەنێرێت.
وەڵام بدەوه