ئەمڕۆ 2/8/2023، رێکارەکانی ناردنی پارەی مووچەی فەرمانبەران لەلایەن حکومەتی عێراق دەستیپێکردووە و چاوەڕوان دەکرێت ئەمڕۆ بڕێک لەو پارەیە بخرێتە سەر هەژماری بانکی لقی بانکی ناوەندی عێراق لە هەرێمی کوردستان.
مەولود سابیر بەڕێوەبەری گشتی بانکە بازرگانییەکان راگەیاند: "رێکارەکانی ناردنی پارە لە بەغداوە بۆ هەرێمی کوردستانەوە دەستیپێکردووە و چاوەڕێ دەکرێت 906 ملیار دینار بچێتە سەر هەژماری بانکی وەزارەتی دارایی حکومەتی هەرێمی کوردستان".
گوتیشی: "حکومەتی عێراق بڕیاری داوە مووچەی فەرمانبەرانی هەرێمی کوردستان بە تەواوی بخاتە سەر هەژماری بانکی وەزارەتی دارایی، رێکارەکانیش کاتی زۆری ناوێت، چونکە ئەلیکترۆنییە و ئەمڕۆ جیىەجێ دەکرێت".
دەشڵێت: "هەر کاتێک پارەکە بگات، دەتوانین لە ماوەی چوار رۆژدا مووچە تەواوی مووچەخۆرانی هەرێمی کوردستان دابەش بکەین".
ئەوەشی خستەڕوو: "ئەگەر ئەمڕۆ هەر بڕە پارەیەک بگات، پارەکە بۆ بانکەکانی هەولێر و سلێمانی دهۆک دەنێرین، بۆ ئەوەی تەمویلیان بکەین، وەزارەتی داراییش لیستی دابەشکردنی مووچە رادەگەیەنێت".
بەڕێوەبەری گشتی بانکە بازرگانییەکان، دەڵێت: "ئەو بڕە پارەی کە پێویستە لقی بانکی ناوەندیی عێراق لە هەرێمی کوردستان هەیە، بەڵام بۆ خەرجکردنی پێویستی بە نووسراو و رێکاری فەرمییە".
وەڵام بدەوه