سەردانەکەی کاک نێچیرڤان بارزانی سەرۆکی هەرێمی کوردستان بۆ ئەڵمانیا و کاردانەوە دیپلۆماسییەکان، هەموو ئەو پیلان و بەرنامانەی ناشت کە ئامانجیان گۆشەگیرکردنی هەرێمی کوردستانە لەگەڵ جیهانی دەرەوە.
_ دیدارەکانی بەرلین بیرهێنانەوەیەکی باش بوو بۆ ئەوانەی بیریان نەماوە کە ئەم قەوارەیە بە پاڵپشتی هێزە هاوپەیمانەکان و دۆستە دێرینەکانی ڕۆژئاوامان ڕەنگڕێژکراوە، ئەمەش ئەو فاکتەرە واقعیەیە کە هۆکاری بەهێزمانەوەی پەیوەندییە دیبلۆماسییەکانی هەرێم بووە.
_ وڵاتانی دۆست، پاڵپشتی هەوڵەکانی هەرێمی کوردستانن و هاوڕان لەسەر ئەوەی ڕێگری بکرێت لەوەی سیستەمی عێراق لە فیدڕالییەوە بگۆڕدرێت بۆ تاک بڕیاری مەزهەبی! هەموو کۆکن لەسەر ئەوەی ئەم گۆڕانکاریانە مەترسییەکی جددی دەبێت بۆ سەر ئاییندەی ناوچەکە و بۆ سەر جیهانیش، چونکە هەرێمی کوردستان بەتەنها عیبارەت نییە لە هەرێمێک لە چوارچێوەی دەوڵەتی عێراق بەڵکو بووەتە ناوەندێکی گرنگی سیاسی و ئابووری و پێکەوەژیان لە ڕۆژهەڵاتی ناوەڕاست هەر بۆیه لە دیدی ڕۆژئاواوە پاراستنی ئەم هەرێمە بە پاراستنی شکۆی دیموکراسییەت لەقەڵەم دەدرێت.
_ لەپاڵ ئەمانەشدا بەهێزی پێگەی کاک نێچیرڤان بارزانی لە گۆڕەپانی سیاسی هەولێر و بەغداد بووەتە فاکتێک و بۆ گەڕان بە دوای چارەسەری ڕیشەیی کێشەکانی نێوان و هەولێر و بەغدا هەمووان لەنزیکەوە دەیانەوێت گوێبیستی تێڕوانین و ڕاسپاردە و پێشنیارەکانی بن.
_ لە ڕابردوو و لە ئێستاشدا، دیدارە ناوخۆیی و دەرەکییەکانی کاک نێچیرڤان وێستگەیەکی ئاشتەواین بۆ دۆزینەوەی چارەسەری دۆخە سیاسییە چەقبەستووەکانی هەرێم، هەوڵەکانی ئەمڕۆشی بۆ زیاتر دوانەخستنی پڕۆسەی هەڵبژاردنی پەرلەمانی کوردستانە.
لیزا فەلەکەدین کاکەیی
وەڵام بدەوه