ئەمریکا ئۆکەی بە ئیسرائیل دا

ئەمڕۆ پێنجشەم هەشتی تشرینی یەکەمی 2026، بەرپرسێكی ئەمەریكی ئاشكرای كرد كە واشنتن هاوتا ئیسرائیلییەكانی لە ئامادەكارییەكان بۆ ئەگەری دەستپێكردنی ئۆپراسیۆنێك دژی ئێران لە ماوەی سێ هەفتەی داهاتوودا ئاگەدار كردووەتەوە، ئەمەیش وای كردووە ئیسرائیل ئاستی ئامادەباشی بەرز بكاتەوە، لە كاتێكدا دۆناڵد ترەمپ سەرۆكی ئەمەریکا و وەزیری دەرەوەی ئێران باس لە بەردەوامیی دانوستانەكانی نێوانیان دەكەن.
بەپێی هەواڵێكی ماڵپەڕی "ئەكسیۆس"ـی ئەمەریكی، بەرپرسێكی ئەمەریكی ئێوارەی ئەمڕۆ پێنجشەم ڕای گەیاندووە كە بەرپرسانی وڵاتەكەیان، هاوتا ئیسرائیلییەكانیان ئاگەدار كردووەتەوە لە ئامادەكارییەكان بۆ ئەگەری ئەنجامدانی ئۆپراسیۆن دژی ئێران لە ماوەی سێ هەفتەی داهاتوودا. لە لایەكی ترەوە، كەناڵی 14ی ئیسرائیلی لە زاری چەند سەرچاوەیەكەوە گواستوویەتیەوە كە دوای پێشهاتەكان و لێدوانەكانی ئەم دواییەی دۆناڵد ترەمپ سەرۆكی ئەمەریکا، ئاستی ئامادەباشی لەناو ئیسرائیل بەرز كراوەتەوە.