ڕووسیا هێرش دەکەینە سەر بەریتانیا

ماریا زاخارۆڤا گوتەبێژی وەزارەتی دەرەوەی رووسیا رای گەیاند، لە وەڵامی پێدانی مووشەكی بەریتانیا بە ئۆكرانیا، رووسیایش لە ناو خاكی ئۆكراینا پێگە سەربازییەكانی بەریتانیا دەكاتە ئامانج.
ئەمڕۆ پێنجشەم 27ی ئاب، ماریا زاخارۆڤا رەخنەی توندی لە فڕەنسا و بەریتانیا گرت و گوتی، "یاری بە ئاگر دەكەن، چونكە مووشەكی زۆر هەستیار بە هێزەكانی ئۆكراینا دەدەن".
گوتەبێژی وەزارەتی دەرەوەی رووسیا بەشێوەیەكی دیاریكراو باسی لەوە كرد، بە مووشەكی بەریتانی ئۆكراینا هێرش دەكاتە سەر رووسیا، بۆیە سوپای رووسیایش لە وەڵامدا پێگەكانی بەریتانیا لە ناو خاكی ئۆكراینا دەكاتە ئامانج.
دوێنێ‌ بەرپرسانی هەواڵگریی رووسیا و ئەمەریكا كۆبوونەوە، بەگوێرەی زانیارییەكانی میدیای ئەمەریكی، ئەمەریكا هۆشداریی بە رووسیا داوە لەوەی هیچ وڵاتێكی ئەندام لە هاوپەیمانی باكوری ئەتڵەسی "ناتۆ" نەكاتە ئامانج.