ئەمریکا بڕیاری کۆتایی دا

جری دی ڤانس، هێزی زەمینی بۆ ئێران نانێرین و ڕووخاندنی حکومەتی ئەو وڵاتە پەیوەندی بە خەڵکی ئێرانەوە هەیە نەک ئەمریکا. جەی دی ڤانس، جێگری سەرۆکی ئەمریکا لەمیانی بەشداریکردنی لە پۆدکاستی جۆو ڕەوگن، تێڕوانینی ڕوونی ئیدارەکەیانی سەبارەت بە ئەگەری دەستێوەردانی سەربازیی زەمینی لە ئێران خستەڕوو.  ئەو گوتی، ئەگەر گەلی ئێران خۆیان دەیانەوێت ڕاپەڕن و حکومەتەکەیان بگۆڕن، ئەوا ئەوە پەیوەندی بە خۆیانەوە هەیە و بڕیاری خۆیانە.
 ڤانس بیرۆکەی هێرشی زەمینی بۆ سەر ئێران ڕەتکردەوە و وتی، ئێمە 150 هەزار سەربازی هێزی زەمینی نانێرین بۆ هێنانەدی گۆڕانکاری لە ئێران، تەنانەت ئەگەر خەڵکەكەش ئەو ئەنجامەیان بوێت.
 ڤانس جەختی لەوە کردەوە، پێشنیازکردنی ناردنی سەرباز بەو مانایەیە کە سوپای ئەمریکا ئەرکی گەلی ئێران جێبەجێ بکات، ئێمە چیدیکە ئەو کارە ناکەین.
 ڤانس باسی لەوەش کرد، گرژییەکانی نێوان هەردوو ڕەوتی 'توندڕەو و كرداریی لە ناوخۆی ئێراندا، بووەتە هۆی سەرلەنوێ دەستپێکردنەوەی ڕووبەڕووبوونەوەکانی نێوان واشنتن و تاران.
جێگری سەرۆکی ئەمریکا گوتیشی، سەرەڕای پەرەسەندنی سەربازیی ئەم دواییانە، هێشتا دەرفەتێک بۆ بەردەوامبوونی ڕێڕەوی دیپلۆماسی دەبینم.