دەقی ڕێککەوتنی کۆتایی بڵاوکرایەوە

کۆشکی سپی دەقی لێکتێگەیشتنی ئەمریکا و ئێرانی بڵاوکردەوە
 کەم بەم شێوەیەیە
 ڕێککەوتنەکە "ڕاگرتنی دەستبەجێ و هەمیشەیی ئۆپەراسیۆنە سەربازییەکان لە هەموو بەرەکان، لەوانەش لوبنان" ڕادەگەیەنێت.
  ئەمریکا و کۆماری ئیسلامی ئێران پابەند دەبن بە دانوستان و گەیشتن بە ڕێککەوتنی کۆتایی لە ماوەی ئەوپەڕی 60 ڕۆژدا، کە بە ڕەزامەندی هەردوولا دەتوانرێت درێژ بکرێتەوە."
 ئەمریکا لە ماوەی 30 ڕۆژدا گەمارۆی دەریایی سەر ئێران لادەبات. "لەو ماوەیەدا، هاتوچۆی کەشتییەکان بەپێی ڕێژەی هاتوچۆی پێش جەنگ دەبێت کە لەلایەن کۆماری ئیسلامی ئێرانەوە دەگەڕێندرێتەوە."
 هەروەها ئەمریکا "پابەند دەبێت بە دوورخستنەوەی هێزەکانی لە دەوروبەری کۆماری ئیسلامی ئێران لە ماوەی 30 ڕۆژ دوای ڕێککەوتنی کۆتایی."
ئەم ڕێڕەوە ئاوییە گرنگە بۆ ماوەی 60 ڕۆژ بەبێ باج دەمێنێتەوە، دواتر وەک بەرپرسێکی باڵا دەڵێت: "ئێران نەک تەنها لەگەڵ عومان، بەڵکو لەگەڵ وڵاتانی کەنداو کاردەکات بۆ داڕشتنی ڕێککەوتنێکی بەرفراوانتر و درێژخایەنتر سەبارەت بە گەرووی هورمز.
 ئەمریکا لەگەڵ هاوبەشە هەرێمییەکانی پابەند دەبێت بە دامەزراندنی سندوقێک بە بڕی لانیکەم 300ملیار دۆلار "بۆ ئاوەدانکردنەوە و گەشەپێدانی ئابووری کۆماری ئیسلامی ئێران."
 ئەمریکا "پابەند دەبێت بە کۆتاییهێنان بە هەموو جۆرە سزاکان دژی کۆماری ئیسلامی ئێران"، بەپێی خشتەیەکی کاتی کە لەسەری ڕێکدەکەون.
 ئەمریکا و ئێران ڕێکدەکەون کە ئێران هەرگیز چەکی ئەتۆمی نەبێت، و بەیەکەوە کاردەکەن بۆ نەهێشتنی ماددە ئەتۆمییە پیتێنراوەکانی ئێران لە ڕێگەی تێکەڵکردن لە شوێنی خۆی و لەژێر چاودێری ئاژانسی نێودەوڵەتی وزەی ئەتۆمدا.