رێککەوتنی نێوانی ئەمریکا و ئێران بڵاوکرایەوە

 میدیاکانی ئێران دەقی ڕێککەوتنی نوێی ئێران و ئەمریکایان بڵاوکردەوە:
دەنگۆکان باس لە گەیشتن بە ڕێککەوتنی کۆتایی دەکەن لە نێوان ئەمریکا و ئێراندا، لە ڕێگەی ڕەشنووسێکەوە کە لە چەند کاتژمێری داهاتوودا لەلایەن هەردوولاوە واژۆ دەکرێت، ئەمەش دوای سەرکەوتنی نێوەندگیرییەکەی پاکستان دێت. 
گرنگترین خاڵەکانی ڕێککەوتنەکە:
 ڕاگرتنی دەستبەجێ، گشتگیر و بێمەرجی تەقەکردن لە هەموو بەرەکانی شەڕ. پابەندبوون بە نەکردنە ئامانجی ژێرخانە سەربازی، مەدەنی یان ئابوورییەکان. ڕاگرتنی ئۆپەراسیۆنە سەربازییەکان و ڕاگرتنی شەڕی ڕاگەیاندن.ڕێزگرتن لە سەروەری و یەکپارچەیی خاک و دەستوەرنەدان لە کاروباری ناوخۆیی یەکتر.مسۆگەرکردنی ئازادیی گەشتی دەریایی (ملاحة) لە کەنداوی عەرەبی، گەرووی هورمز و دەریای عومان. دروستکردنی میکانیزمێکی هاوبەش بۆ چاودێریکردن و چارەسەکردنی ناكۆكییەكان. دەستپێکردنی دانوستانەکان سەبارەت بە پرسە هەڵپەسێردراوەکان لە ماوەی 7 ڕۆژدا. هەڵگرتنی قۆناغ بە قۆناغی سزاکان لە بەرامبەر پابەندبوونی ئێران بە بەندەکانی ڕێککەوتنەکەوە. پابەندبوون بە یاسا نێودەوڵەتییەکان و پەیماننامەی نەتەوە یەکگرتووەکان. ڕێککەوتنەکە دەستبەجێ دوای ڕاگەیاندنی فەرمی لەلایەن هەردوولاوە دەچێتە بواری جێبەجێکردنەوە.