ترەمپ قسەی کۆتایی کرد

​دۆناڵد ترەمپ، سەرۆکی ئەمریکا لە کۆنگرەیەکی ڕۆژنامەوانیدا ڕایگەیاند، ئەو هێرشە سەربازییەی کە پێشتر بڕیاری هەڵپەساردن و ڕاگرتنی دابوو، لە ئێستادا لە ناوخۆی ئێراندا لە حاڵەتی جێبەجێکردندایە، لەگەڵ ئەوەشدا هۆشداری دا کە ئەگەر ناچار بن هێرشێکی بەهێزتریش ئەنجام دەدەن.
​ئەمڕۆ سێشەممە، 19ـی 5ـی 2026، دۆناڵد ترەمپ لە کۆنگرەیەکی ڕۆژنامەوانیدا تیشکی خستە سەر دوایین پێشهاتەکانی ئاڵۆزییەکانی نێوان واشنتن و تاران، و پارتنەرە سیاسییەکانی ناوخۆی وڵاتەکەی تۆمەتبار کرد بەوەی کە دیموکراتەکان بە هەموو شێوەیەک هەوڵ دەدەن ڕێگری لە پرۆسەی دانوستانەکانی ئەو لەگەڵ ئێراندا بکەن.
​سەرۆکی ئەمریکا ئاماژەی بەوەش کرد کە لە ئێستادا ئەوان لەگەڵ ئێراندا لەناو پرۆسەی دانوستانداندن، و هیوای خواست کە ناچار نەبن پەنا بۆ چالاكیی سەربازیی زیاتر دژی ئەو وڵاتە ببەن. 
بەڵام لە هەمان کاتدا هۆشداریی دا کە هێشتا ئەگەری ئەوە هەیە ناچار ببن هێرشێکی توند و بەهێزی دیکە ئەنجام بدەن، هەرچەندە وتیشی کە هێشتا بەتەواوی دڵنیا نییە کە ئایا هێرش دەکەنە سەر ئێران یان نا.
​لە بەشێکی دیکەی قسەکانیدا، ترەمپ تاران بەوە تۆمەتبار کرد کە دەیەوێت ناوچەی ڕۆژهەڵاتی ناوەڕاست بەتەواوی وێران بکات، و جەختی کردەوە کە ڕێگە نادەن ئەمە ڕوو بدات. 
لە کۆتایی لێدوانەکانیدا، سەرۆکی ئەمریکا گەشبینیی خۆی بە دەرەنجامی فشارەکان پێشان دا و ئاشکرای کرد، لە ماوەی دوو ڕۆژی ڕابردوودا چەندین سەرکردەی جیهانی پەیوەندییان پێوە کردووە و پێیان ڕاگەیاندووە کە پێشکەوتنی بەرچاو و گرنگ لە پرسی مامەڵەکردن لەگەڵ ئێراندا بەدی هاتووە.