لە ئێران قەوما، ئەمەریکا وازی لێ ناهێنێت.

ئەمەریکا سزای نوێ بەسەر ئێران سەپاند. گوشارەكانی ئەمەریكا بۆ سەر ئێران لە هەموو رووەكان بەردەوامە، هاوكات بڕٍیارە سبەی پێنجشەم سێیەم گەڕی دانوستانە ئەتۆمییەكان لە نێوان ئێران و ئەمەریكا لە جنێڤ بەڕێوە بچێت، ئەمەریكا خەریكی كۆكردنەوەی هێزی سەربازییە لە ناوچەكە، ماوەیەكیشە دەستی بە گەمارۆی نەوتی بەسەر ئێران كردووە، وەزارەتی گەنجینەی ئەمەریكا زنجیرەیەكی نوێی سزا بەسەب ئەو وڵاتە دەسەپێنێت.
وەك ئەوەی ئەمڕۆ چوارشەم وەزارەتی گەنجینەی ئەمەریكی لە پێگەی ئەلیكترۆنی خۆی رای گەیاند و ئاژانسی "رۆیتەرز" باسی كرد، وەزارەتەكە سزای بەسەر ژمارەیەك كەسایەتی و قەوارە و كەشتی هەڵگری نەوتی ئێران سەپاند، سزاكە چوار كەسایەتی و 16 كۆمپانیای پێوەندیدار بە ئێران و 12 كەشتی هەڵگری نەوتی گرتەوە، ئەوان خرانە ناو لیستی سزاكانەوە، ئەوەش لە چوارچێوەی توندكردنی سزاكان بەسەر چالاكییە ئابوورییەكانی ئێران.
بەپێی سزاكە ئەمەریكا تەواوی حیسابات و موڵكوماڵی ئەو كەسایەتی و كۆمپانیا و قەوارانە بلۆك دەكات، ئەوە لەوكاتەی پێش ئێستە وەزارەتەكە چەندان سزای تری بەسەر كەسایەتی و كۆمپانیاكانی نزیك لە ئێرانی سەپاندبوو، جگە لەوەی سزوای تری بەسەر كەرتی نەوتی ئێران سەپاندووە و ماوەیەكیشە سزا نەوتییەكانی توندتر كردووە.
بڕیارە سبەی پێنجشەم سێیەم گەڕی دانوستانە ناراستەوخۆ ئەتۆمییەكانی نێوان ئێران و ئەمەریكا بە ناوەندگیریی عومان لە جنێڤ لە سویسرا بەڕێوە بچێت، ئەمڕۆ هاتە راگەیاند كە عەباس عێراقچی وەزیری دەرەوەی ئێران و شاندی هاوەڵی بۆ بەشداریكردن لەو گەڕەی دانوستانەكان بەرەو جنێڤ بەڕێ كەوتوون و ئەوان سوورن لەسەر گەیشتن بە رێككەوتن.