ئه‌نجومه‌نی پیرانی ئه‌مریكا ڕۆژی هه‌ینی مایك واڵتز ڕاوێژكاری پێشوی ئاسایشی نه‌ته‌وه‌یی ئه‌مریكای وه‌ك باڵیۆزی ئه‌مریكا له نه‌ته‌وه یه‌كگرتوه‌كان پشتڕاستكرده‌وه كه دوا پۆستی باڵای ئیداره‌ی ئێستای كۆمارییه‌كانه.
ئه‌مریكا له سه‌ره‌تای خولی دوه‌می تره‌مپه‌وه، واته له 20ی (كانونی دوه‌م/1)ی 2025ه‌وه، باڵیۆزی له نه‌ته‌وه یه‌كگرتوه‌كانی دانه‌ناوه، ئه‌نجومه‌نه‌كه كه 100 ئه‌ندامه، به شێوه‌یه‌كی به‌رچاو به درێژایی هێڵه‌كانی حزبی ده‌نگیاندا، 47 كه‌س به به‌ڵێ و 43 كه‌سیش نه‌خێر و ئه‌وانی دیكه‌ش بێده‌نگ بون
هه‌ندێك له دیموكراته‌كان، له‌وانه جۆن فێتێرمان مارك كێلی و جین شاهین، له‌گه‌ڵ كۆمارییه‌كان ده‌نگیاندا بۆ ئه‌و دامه‌زراندنه، له كاتێكدا ڕاند پاوڵی و چه‌ند ئه‌ندامێكی دیكه‌ی كۆمارییه‌كان په‌یوه‌ندیان به ئۆپۆزسیۆنه‌وه كرد ده‌نگیان نه‌دا.
تره‌مپ له 1ی (ئایار/5)ی ئه‌مساڵ، مایك واڵتزی له پۆستی ڕاوێژكاری ئاسایشی نیشتمانی دورخسته‌وه و ماركۆ ڕوبیۆ وه‌زیری ده‌ره‌وه‌ی ئه‌مریكای وه‌ك جێگره‌وه‌ی كاتی ده‌ستنیشانكرد، ڕوبیۆ تا ئێستا له‌و پۆسته‌دا ماوه‌ته‌وه.
مایك والتز كه‌وته به‌ر ره‌خنه‌ی دیموكراته‌كان دوای ئه‌وه‌ی به هه‌ڵه سه‌رنوسه‌رێكی بۆ گفتوگۆی تایبه‌تی گۆڤاری زه ئه‌تڵه‌نتیك زیادكرد سه‌باره‌ت به ورده‌كارییه‌كانی هه‌ڵمه‌تێكی بۆردومانی ئه‌مریكا له یه‌مه‌ن، ئه‌مه‌ش بوه هۆی بڵاوبونه‌وه‌ی دواتر ڕاپۆرتێك له‌سه‌ر گفتوگۆ ناوخۆییه‌كان سه‌باره‌ت به هێرشه‌كان
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه