دەستەی رووپێوی جیۆلۆجی ئەمەریكی رای گەیاند كە بوومەلەرزەیەكی بەهێز بە گوڕی حەوت پلەی رێختەر كەناراوەكانی باكوری كالیفۆرنای هەژاندووە و و لای خۆشییەوە ئیدارەی نیشتمانی زەریاكان هۆشداری لە روودانی تسۆنامی دا لە باكوری ئەم ویلایەتە.
ئەمڕۆ پێنجشەم پێنجی كانوونی یەكەمی 2024، دەستەی رووپێوی جیۆلۆجی ئەمەریكی لە راگەیەنراوێكدا ئاماژەی داوە كە بوومەلەرزەیەك بە گوڕی حەوت پلەی رێختەر لە دووری 63 كیلۆمەتر كەناراوەكانی باكوری ویلایەتی كالیفۆرنیای هەژاندووە.
دەستەكە ئاماژەی بەوەیش كردووە كە چەقی بوومەلەرزەكە لە قوڵایی 10 كیلۆمەتر لە رووی دەریا و لە دووری 100 كیلۆمەتر لە باشوری رۆژئاوای شاری فێرندیلی كەناریی بووە لە كالیفۆرنیا.
لای خۆشییەوە ئیدارەی نیشتمانی زەریاكان و بەرگە هەوای ئەمەریكا هۆشداری لە روودانی تسۆنامی لە ناوچەی كەناراوەكانی كالیفۆرنیا دا دوای بوومەلەرزەكە.
وەڵام بدەوه