هه‌ریه‌ك له وه‌زاره‌ته‌كانی ده‌ره‌وه‌ی به‌لجیكا و فه‌ره‌نسا، باڵیۆزی كۆماری چینی میللیان له وڵاته‌كانیان بانگ كرد بۆ ئه‌وه‌ی یادداشتی ناڕه‌زایه‌تییان پێ بده‌ن.
ئه‌و یادداشه دوای ئه‌وه دێت، دوێنێ كۆماری چین سزای به‌سه‌ر ژماره‌یه‌ك كه‌سایه‌تی سیاسی و كیانی ئه‌وروپاییدا سه‌پاند.
ئه‌مڕۆ وه‌زیری ده‌ره‌وه‌ی به‌لجیكا، سۆفی وێڵمز، باڵیۆزی چینی بانگ كرد و پێی راگه‌یاند، ئه‌وان زۆر نیگه‌رانن له‌و بڕیاره‌ی چین دژی به‌رژه‌وه‌ندییه‌كانی ئه‌وان ده‌ریكردووه.
هاوكات وه‌زاره‌تی ده‌ره‌وه‌ی فه‌ره‌نسا به هه‌مان شێوه یادداشتێكی ناڕه‌زایه‌تی داوه‌ته باڵیۆزی چین له پاریس.
دووشه‌ممه‌ی رابردوو، یه‌كێتی ئه‌وروپا سزای به‌سه‌ر چوار سه‌ركرده‌ی چیندا سه‌پاند و به‌وه تۆمه‌تباری كردن، مامه‌ڵه‌ی "نامرۆڤانه"یان له‌گه‌ڵ ئیگۆره‌كان كردووه.
له وه‌ڵامی ئه‌و بڕیاره‌ی یه‌كێتی ئه‌وروپادا، دوێنی په‌كین سزای به‌سه‌ر (10) كیان و كه‌سایه‌تی ئه‌وروپاییدا سه‌پاند و به بڵاوكردنه‌وه‌ی "درۆ و چه‌واشه‌كاری" تۆمه‌تباری كردن، هه‌روه‌ها سزای به‌سه‌ر چوار كیانی ئه‌وروپاییدا سه‌پاند.
وەڵام بدەوه