شارەزایەكی كەشناسی ڕایدەگەیەنێت، كە گەرمایەكی بەهێز وڵاتانی ڕۆژئاوای ئەورووپا دەگرێتەوە و ئەگەری هەیە ئەو گەرمایە بگاتە ڕۆژهەڵاتی ناوەڕاست و هەرێمی كوردستانیش بگرێتەوە.
ئاراس جەبار ئەحمەد، شارەزای كەشناسی بڵاوی كردەوە، كە "گەرمایەکی بەھێز لە سبەیەوە بۆ وڵاتانی ڕۆژئاوای ئەوروپا فراوان ئەبێت و لە ڕۆژانی دواتریش بۆ باشوور و ناوەڕاستی کیشوەرەکە.
ئەوەشی باس كردووە، كە "بەداخەوە بەگوێرەی پێشبینییەکان دەرکەوتووە لە 14 ڕۆژی داھاتوو لەنێوان 24 بۆ 27ی ئاب ئەگەری ھەیە ئەم شەپۆلە بگاتە وڵاتانی ڕۆژھەڵاتی ناوەراست و ھەرێمی کوردستانیش بگرێتەوە."
ئەو كەشناسە ئاماژەی بەوە داوە، كە ئەگەرچی مەودای گەیشتنی بە ڕۆژهەڵاتی ناوەڕاست و هەرێمی كوردستان دووە، بەڵام وەك خۆی دەڵێت: "لەوانەیە تا گەیشتنی گۆڕانکارییەکان جیاوازتربن، بەڵام خوێندنەوەی ئێستای مۆدێلەکان دەری دەخات گەرمایەکی بەھێزە بۆ ئەوکاتە و تەنانەت بۆ ئەم ھاوینەش ئەگەر وابێت ئەبێتە گەرمترین ماوەی وەرزی ھاوینمان."
وەڵام بدەوه