كەناڵی سوپای پاسدارانی ئێران لە تلگرامیی هەواڵیی خۆیان بڵاویان كردەوە كە هێرشێكی ئاسمانی لەلایەن فڕۆكەكانی ئەمەریكا كراوەتە سەر بارەگاكانی حەشدی شەعبی لە بابل و لای خۆشییەوە بەشێك لە ماڵپەڕە عێراقییەكان كوژرانی حەوت ئەندامی حەشدیان پشتڕاست كردووەتەوە بەهۆی هێرشەكە.
ئەمشەو سێشەم 30ی تەمووزی 2024، پێگەی هەواڵیی "رابیعە"ی عێراقیی و چەند سەرچاوەیەكی تری هەواڵیی عێراقی بەجیا هەواڵی هێرشی ئاسمانیی ئەمەریكییان بۆ سەر بارەگاكانی حەشدی شەعبی لە بابل بڵاو كردووەتەوە.
بەپێی سەرچاوەیەكی ئاگەدار كە قسەی بۆ "رابیعە" كردووە، لە ئەنجامی هێرشە ئاسمانییەكەدا حەوت چەكداری حەشدی شەعبی كوژراون و تەرمەكانیشیان گەیەندراوەتە نەخۆشخانەی "موسەیب" لە بابل.
وەڵام بدەوه