جۆ بایدن، سەرۆكی ویلایەتە یەكگرتووەكانی ئەمەریكا جارێكی تر هەڵەیەك دەكات و دەبێتە بابەتی تۆڕە كۆمەڵایەتییەكان.
ئەمڕۆ هەینی نۆی شوبات، میدیاكانی جیهان زۆرترین هەواڵیان لەسەر دواین لێدوانی جۆ بایدن سەرۆك ویلایەتە یەكگرتووەكانی ئەمەریكا بوو كە هەڵەیەكی كوشندەی كرد لە ناوهێنانی سەرۆكی وڵاتێك.
هەڵەكەی بایدن بۆ ئەوە دەگەڕێتەوە عەبدولفەتاح سیسی سەرۆكی میسر كرد بە سەرۆكی مەكسیك.
سەرۆكی ویلایەتە یەكگرتووەكانی ئەمەریكا گوتی، دەبێـ كێشەی غەزە چارەسەر بكرێت و باسی وڵاتی میسر و چەند رووداوێكی ناوچەكەی كرد،ـ بەڵام لە پڕ گۆتی عەبدولفەتاح سیسی سەرۆكی مەكسیك. هەڵە نوێیەكەی بایدن لە میانەی كۆنگرەیەكی ڕۆژنامەوانیدا هات كە لەو ماوەیەدا ویستی بیسەلمێنێت كە بەدەست كێشەی بیرەوەرییەوە ناناڵێنێت، دوای دەرچوونی ڕاپۆرتێك كە لەلایەن داواكاری گشتی تایبەتەوە ئامادەكرابوو بەم شێوەیە وەسفكرابوو "پیاوێكی بەساڵاچوو كە یادەوەرییەكەی لاوازە."
سەرۆكە هەشتا ساڵانەكە لە كۆشكی سپی بە ڕۆژنامەنووسانی ڕاگەیاند، باشە من پیاوێكی پیرم و دەزانم چی دەكەم، كێشەی بیرەوەریم نییە..
وەڵام بدەوه