ئەمشەوی یەكشەممە جۆن كێربی گوتەبێژی ئەنجوومەنی ئاسایشی نیشتمانیی ئەمریکا رای گەیاند بەردەوام دەبن لە كردنە ئامانجی میلیشیاكانی سەر بە ئێران و ئەوەی تا ئێستا كردوویانە، تەنها دەستپێك بووە.
كێربی ئاماژەشی بەوە داوە كە هێرشەکانیان بۆ سەر میلیشیاکانی سەر بە ئێران لە عێراق و سووریا، تەنیا بۆ بەرگریکردن بووە لە هێزەكانی خۆیان لە ناوچەكە.
گوتەبێژی ئەنجوومەنی ئاسایشی نیشتمانیی ئەمەریکا ئەوەشی ئاشكرا كردووە كە هێرشەکانی ئەم چەند ڕۆژە بۆ سەر میلیشیاكان لە عێراق و سووریا، تەنیا دەستپێک بوون و لە داهاتوودا وەڵامی زیاتریان دەبێت.
دوێنێ شەممە له كاردانه‌وه‌ی كوشتنی سێ سه‌ربازه‌كه‌ی ئه‌مریكا له بنكه‌ی "تی-22" لەسەر سنوورەكانی ئوردن، سوپای ئه‌مریكا هێرشه‌كانی بۆ سه‌ر بنكه و باره‌گاكانی گرووپ و میلیشیاكانی سەر بە ئێران لە عێراق و سووریا ده‌ست پێ كرد و 85 پێگەی سوپای پاسداران و میلیشیاکان و کۆگاكانی چەك و تەقەمەنی كردە ئامانج و زیاتر لە 40 چه‌كداری میلیشیاكان و هاووڵاتییان كوژران.
وەڵام بدەوه