ئەمڕۆ پێنجشەممە ئیمانوێل ماکرۆن سەرۆکی فەرەنسا رای گەیاند، لە هاوکاریی سەربازی بۆ پێشمەرگە بەردەوام دەبن و پشتگیری حکوومەتی هەرێمی کوردستان دەکەن.
سەرۆکی فەرەنسا سەبارەت بە هێرشە مووشەکییەکەی ئێران بۆ سەر هەولێر رای گەیاند: "لەو کاتەی کە هێرشەکە ئەنجام درا، بە توندی سەرکۆنەم کرد، هەروەها داوام لە ئێران کردووە ئەو هێرشانە رابگرێت.
سەرۆکی فەرەنسا لەبارەی کۆبوونەوەشی لەگەڵ سەرۆکوەزیران مەسرور بارزانی لە داڤۆس رای گەیاند، کۆبوونەوەیەکی گرنگمان لەگەڵ مەسرور بارزانی سەرۆکی حکوومەتی هەرێمی کوردستان هەبوو و فەرەنسا پشتگیریی لە حکوومەتی هەرێمی کوردستان دەکات و هەمیشە فەرەنسا لە هەرێمی کوردستان بۆ هاوکاریکردنی هێزی پێشمەرگە دەمێنێتەوە.
جێی باسە رۆژی چوارشەممە 17ـی کانوونی دووەمی رابردوو، مەسرور بارزانى سه‌رۆكى حکوومەتی هه‌رێمى كوردستان له داڤۆس له‌گەڵ ئيمانوێل ماكرۆن سه‌رۆكى فه‌ره‌نسا کۆ بووەوە و لەمبارەیەوە حکوومەتی هەرێمی کوردستان بڵاوی كردبووەوە كە تەوەرێکی سەرەکیی کۆبوونەوەکە تایبەت بوو بە هێرش و پەلامارەکانی ئێران بۆ سەر هەولێر کە هەڕەشەیەکی راستەقینەیە بۆ سەر هەرێمی کوردستان و پێشێلکارییەکی ئاشکرای سەروەری عێراق و هەرێمی کوردستانە.
وەڵام بدەوه