جەیمس کلێڤەرلی وەزیری دەرەوەی بەریتانیا رایگەیاند، پەیوەندی راستەوخۆی لەگەڵ مەسرور بارزانی سەرۆکی حکومەتی هەرێمی کوردستان هەیە و بەریتانیا پاڵپشتی تەواو لە قەوارەی هەرێمی کوردستان دەکات.
لەمیانی بەشداریکردنی لە کۆنفرانسی ساڵانەی پارتی پارێزگارانی بەریتانیا، فەلاح حەسەن کە گەنجێکی کوردە و هاوکات جێگری سەرۆکی لاوانی پارتە دیموکراتەکانی جیهانە، لە دیدارێکیدا لەگەڵ جەیمس کلێڤەرلی وەزیری دەرەوەی بەریتانیا باسی لە دواین رەوش و بارودۆخی هەرێمی کوردستان و عێراق کردووە، هەروەها ئاماژەی بەوەداوە کە بەشێک لە پارتە سیاسی و سیاسەتمەدارانی عێراقی لە هەوڵی لەناوبردنی کیانی هەرێمی کوردستانن، کە ئەمەش بە خەبات و خوێنی دەیان هەزار رۆڵەی کورد هاتووەتە کایەوە.
لای خۆی جەیمس کلێڤەرلی، سوپاسی بەشداریکردن و دیدارەکەی کردووە و رایگەیاندووە، کیانی هەرێمی کوردستان بۆ حکومەتی بەریتانیا گرنگە و حکومەتی بەریتانیا هەردەم پاڵپشتی لێدەکات و بەردەوامیش دەبن لە پاڵپشتی قەوارەی فەرمی هەرێمی کوردستان، سوپاسی گەلی کوردستانی کردووە و خۆی بە دۆستی نزیکی هەرێمی کوردستان دادەنێت.
لە بەشێکی دیدارەکەدا وەزیری دەرەوەی بەریتانیا گوتوویەتی، لەگەڵ مەسرور بارزانی سەرۆکی حکومەتی هەرێمی کوردستان، پەیوەندی راستەوخۆ و دۆستانەم هەیە، هیوای خواستووە جارێکی دیکە سەردانی هەرێمی کوردستان بکاتەوە
وەڵام بدەوه