پشتی پارتی فەرمی راگەھاندی دێ زڤریتە کەرکوک دەست ب بانگەشا خوەیا حیزبی کەت لایەنێت تورکومانی و عەرەبی ھەر ل دەسپێکی ھەڤدژیا خو چ ب ڕاستەخو چ ب نەڕاستەوخو خویاکر، جارەکێ «مەلابەختیار» گوت ( پیڤەرکرنا ئێکەتییێ ب کورسیان نینە، ئێکەتی ئێک کورسی بینیت ھەر ئێکەتیا جارانە) گوتنا مەلا بەختیا ل سەر ئاستێ ناڤخۆیا ھەرێما کوردستانێ ڕاستیەکا حاشا ھەڵنەگرە، لێ بۆ پارتی ل سەر ئاستێ عێراقێ ڕاستە ب شێوازەکێ دن.
تەڤ لایەنێت تورکومانی و عەرەبی ب تایبەتی ئەوێت ڕق و کینەک د مەژیا وان دا ھەی ھەمبەری کوردان ب ڤەگەراندنا پارتی دلخوەش نینن بۆ کەرکوکێ و ناوچێت ڤەقەتیای ھەرێما کوردستانێ، چونکە ئەو پارتی ب تنێ مینا حیزبەک نابینن بەڵکی ئەو پارتی ب ڤەگەراندنا کوردان دزانن بۆ وان ناوچا کوە پشتی بویەرێت شازدەی ئوکتوبەرێ کورد ژ ھاوکێشا سیاسەتێ و ل دەسھەلاتێ دویر ئێخستینە، ب سەدەمێ نەبونا پارتی دەرفەت دیتیە کوە زولمەکا مەزن ل کوردان بکەن.
پارتی بتنێ مینا ھەر حیزبەکا دن گوتیە دێ زڤرینە کەرکوکی دەست ب بانگەشا ھەلبژارتنان کەین لێ لایەنێت تورکومانی و عەرەبی دزانن دەما پارتی زڤری دێ شکو بۆ تاکێ کورد زڤریت ب ئالا و پێشمەرگە زڤریت، لەوما بەریا زڤرینا پارتی «ئەرشد صالح» نوینەرێ تورکومانان ب دەنگەگێ بلند گوت ( ئەم ناھێلین پێشمەرگە بھێتە کەرکوک ب تنێ پولیسێ فیدرالی دێ کەرکوکێ بیت). ھەروەسا
لایەنێت عەرەبی بەریا ماوەکێ خونیشاندان رێکخستن دژی زڤرینا پارتی بۆ کەرکوکێ، ئەو دزانن پارتی ئێک کورسی ل کەرکوکێ نەبەت ب تنێ ھەبونا پارتی ل کەرکوکێ بەسەر کوە ئێدی کورد جارەکادن بزڤرنە بۆ گوپیتکا دەسھەلاتێ ھەروەک چاوا بەریا شازدەی ئوکتۆبەرێ ب ھەبونا پارتی ل کەرکوکێ کورد ل گوپیتکا دەسھەلاتێ بون.
حیزب اللە عێراقی ھەڤدژیا خوە دیارکر، پێشمەرگە بھەڤکاریا داعش تومەتبارکر ل مەخمورێ وان ناوچێت داعش ھێرشان دکەن، ل راستی دا پێشمەرگە ئەفسانەیا داعش شکاند گەر پێشمەرگە نەبوو نھا روبارێ دیجلە و فورات سورببون بخوینا عیراقیان مینا سەردەمێ ھولاکو دەما روبارێت عیراقێ شین کرین ب حوبرێ کتێب و زانستێ عیراقێ.
لێ ئەو دێ ھەر تومەتەکا بێ بنەما پالدەنە جەم پێشمەرگە و کوردان بۆ وێ یەکێ بەربەستان دروست بکەن ل ھەمبەری زڤرینا پارتی، بۆ وێ یەکێ خوسەپاندن و تەعدایا وان ل سەر کوردان بەردەوام بیت.
پارتی میتودی کوردستانی یە، ل بھارا تەمەنێ خوە ھەیا نھا شەری دکە ل سەر مافێت کوردان، ھەرچەند نەیارێت کوردان ھارببن دان پێدانێ مافێت کوردان نەکەن پارتی زێدەتر شەری دکە ل سەر مافێت کوردان سازشان ل سەر چوو مافێت کوردان ناکە، ل ھەر باردوخەکێ بیت، ل خۆشیان و بەرتەنگیان پارتی ھەردەم کوردبونێ دئێخیتە پێش بەرژەوندیێت حیزبی و دەستان ل کوردستانبونێ بەرنادەت.
لەوما نەیار و دوژمنێت کوردان مینا گایێ ئسپانی دەما رەنگێ سور دبینە ھاردبە، دوژمنێت کوردان کوە ھەیا نھا چوو مافان ب کوردان ڕەوا نابینن ب ناڤ و ھەبونا پارتی ھاردبن.
وەڵام بدەوه