نەیارێن پارتی چاڤەرێ ھندێ بوون پارتی ب گرێدانا کۆنگرەی پەرت و بەلاڤە بیت، زێدەتر دازدە سالانە چاڤەرێ ئەڤێ رۆژێ بوون، بھەمی ھێزا خوە ب دەستێن دەرەکی پیلان دانان ئەڤ کۆنگرە ببیتە داویا پارتی ئێدی خوین ژ جوکان بچیت. مەکینا راگەھاندنا خوە ب بودجەیەکێ زەبەلاخ دابوو کاری ھەرجارێ ب رەنگەکێ فیتنە بەلاڤ دکر. ب کرنا درەوێ ھەردەم و ڕۆژانە ئێدی باوەری بۆ وان خۆە ب درەوێن خۆە دروست بووبوو کو دێ درەوا وان بیتە راستی! دناڤ درەوان دا خوە بەرزەکربوو. لێ پارتی ب گرێدانا کۆنگرەی ئێکگرتنەکا خورت کرە سەنگا مەحەک و سوز و پەیمان دان ئێدی ڤەگەرنە بۆ وان بنەمایێن بەریا چەرخەکێ ل سەر دامەزراین، زێدەتر خزمەتا خەڵکێ کوردستانێ و دۆزا کوردی بکەن، و بنەمایێن پێکڤەژیانێ و ھەڤقەبولکرنێ کۆ پارتی بێ بەرنیاسە ب درێژاییا تەمەنێ خوە خورترکرن، ئێدی بپراکتیزە پارتی خۆیاکر نەبتنێ پارتەکە بۆ پارتیان بتنێ مینا پارتێن دن بەڵکو پارتەکا کوردستانیە نیشتمانیە، پارتەکا ھەمی ئول و رەنگێن جیاوازە، ھەیا نەتەوێن دن ژی بباوەش دگریت ل سەر بنەمایێن نیشتیمانی.
چما ژانا نەیارێن پارتی مەزن نابە وان ھەڤدوو ژەھر دکر چاڤەرێ بوون پارتی ژی ھەڤدوو ژەھر بکەن لێ پارتی ئەو و ھەمی نەیارێن کوردستانێ ژەھرکرن ب سەرکفتنا کۆنگرەی. وان ب بومبان تەسفیا ھەڤدوو دکر دناڤا بازاری دا ب گولا تڤەنگێ ھەڤریکا نەساخلەما خوە ئێکلایی دکر، لێ پارتی بچەپلە لێدانان تەسفیا ھەڤدووکر ھەر ئێکێ پێشینیارکر کو یێ دن ببیتە جێگر و دەسھەلاتدار! وان ھزردکر ئەو کاندیدێن دەنگێن پێتڤی نەئیناین دەرنەچوین ئێدی دێ چنە سەنگەرێ دژایەتیا پارتی کو ئەو نەریتە ل دەف وان ھەیە کۆ ھەردەما ئەنجام دلێ وان نەبون دچنە سەنگەرێ دژایەتیێ چونکە نە عەقیدە ھەیە نە بیروباوەر بەڵکو بتنێ بەرژەندیێن کەسوکی ھەنە، لێ کاندیدێن دەرنەچوویێن پارتی زێدەتر ژ کاندیدێن دەرچووی بسەرکفتنا کۆنگرەی دڵخوەش بوون چونکە بیروەباوەرێن تمام ب عەقیدا رێبازا بارزانی ھەیە.
کاندیدێن دەرنەچوین تیرەکا ژەھرکری دلێ نەیارێن پارتی دا دەما پەیاما خوە بەلاڤ کری تێدا دیارکری کو دێ گەرم و گورتربن بۆ خزمەتکرنا پارتی و رێبازا بارزانی.ب ڤان پەیامان ژانا نەیارێن پارتی زێدەتر بوو ژ ژانا زاروکبونا ژنێ! لدوایا کونگرەی ھەمی ئەندام و کاندیدان سەرکەفتی و نەسەرکەفتی بۆ سەرکفتنا کۆنگرێ 14ێ پارتی بچەپلە لێدان ب دلەکێ فراوان ئەنجام قەبولکرن ب گوتنا «پێشرەوی کورد پارتیە سەرۆکمان بارزانی یە» ھولا کۆنگرەی ھەژاند.
#HogirNerwayi
وەڵام بدەوه