ل چەرخێ سەدێ بیست و ئێکێ تەکنولوجیا و تورێت کومەلایەتی پێشکەفتنەکا بەرچاڤ ب خوەڤە بینی ل ولاتێن رۆژئاڤا. عەقلیەتا تاکێ رۆژئاڤایی ھەردەم دکاریت دگەل گورانکاریێت سەردەم خوە بگونجینیت، چونکە تەڤ قوناغێت ژیانێ برینە، پێسترک ب پێسترک سەرکەفتیە، گورانکاری ل جەم وان بلەز نینن بەلکی دتەڤ گورانکاریان دا بەشداربوینە. ب دەگمەن تاکەکێ رۆژئاڤایی بینی بێ ماندیبون بھێتە سەر سفرا حازر بەلکی ئەوا دەسڤەھاتی بماندیبون و کەدا وی بویە. لەوما ھەردەم ئەو مفای ژ گورانکاریێت بلەز دبینن، بھایێ ھەر تشتی دزانن، نھاژی تورێت کومەلایەتی و تەکنولجیا ژی مینا ئامرازکێ بۆ بەرژەوەندیێت خوە بکاردئینن تشتەکی غەریب نینە ل جەم وان.
لێ بەروڤاژی تاکێ ولاتێت رۆژھەلات خوە ل ناڤ گورانکاریێت بلەز وندا دکەت، کومەلگەھەکا فەوزا دروست دکەن، کەس ب کەسێ نینە، ل دەرئەنجامێ وێ یەکێ ھەر پێنگاڤا دەسپێکێ ھاڤێتیە چەرخێ بیست و ئێکێ ل پێسترکا ئێکێ چونە پێسترکا شەشێ، زور ولات ل پێسترکا شەشێ ماینە سەرناکەڤن، ھندەکێت دن ڕۆژ ب رۆژ ل شوینا سەربکەڤن دھێنە خوارێ ھندەک ژی چونەمایە ل عەردی بکەڤن مینا ولاتێ عیراقێ چونکە گورانکاری لجەم وان بلەزبون تەڤ قوناغێت سەختێت ژیانێ نەبرینە.
لەوما نکارین مفای ژتەکنولوجیا و تورێت کومەلایەتی وەربگرن و پرانیا وان بۆ کارێت نە ژێھاتی بکاردئینن، ھەر دەم جڤین ل سەر زمانێ وانن، ئێدی جڤین بویە تشتەک دژیانا رۆژانە یا پرانیا خەلکی، کەسێت جڤینا دەن زێدەترن ژ کەسێت جڤینا نەدەن.
ھەرێما کوردستانێ گەر سالێت نوتان بنێرین، ھەرچەند مالان سەیارەک ھەبوو، لێ پشتی چەند سالێت کێم ھەر مالەکێ چەند سەیارێت ھەین، پرانیا خانیان ل وی دەمی ئێک یان دوو غورفە بون لێ دماوەکێ کێم پرانیا خانیان بونە دوو سێ تابق. ئەڤە تنێ وەک میناک ئەگەر ھەر تشتێ مە گورانگاریێت بلەز نە چاڤرێکری ب سەردان ھاتن.
ل دەسپێکێ ل عەردی بوین و قوناغێت پڕ دژوار و سەخت دەربازکرن، خوین و قوربانیەکا زۆر دا، ھەر جارێ دکولانێت ولاتەکێ دا دئاوارەبون ل ھند جاران ژی ل ژێر رەحما توپ و تەیارێت صدام شوفینێت دن یێت عیراقێ ژیان بسەردبر ھەیا گەھشتینە پێسترکا ئێکێ یا ژیانێ دقوناغێت پر ئالوز دا دەربازبوێن.
لێ ھەر ل پێسترکا ئێکێ دماوەکێ زۆر کێم گەھشتینە پێسترکا شەشێ، پاشان ل وێرێ ماین سەرنەکەفتین چونکە مەبوری یا خوە ونداکر، تنێ نھا بۆ مە گرنگە، چوجاران ژی بیر ل داھاتی ناکەین.
ھەر ھاتینە ناڤ تورێت کومەلایەتی مە خوە ونداکر، بتنێ مە تشتێ نەژێھاتی گرت، رکابەریێ دگەل ھەڤدوو دکەین ل سەر تشتێ نەژێھاتی و چەوت، ئێکسەر چوینە ناڤ شۆرەشا جڤینان رۆژ ب رۆژ باندورا ڤێ شورەشێ ل سەر تاکێ کورد زێدەدبە، خەلکێ زێدەتر دھێتە ناڤ شۆرەشێ. ل ناڤ چڤین و رق و کینەیان مەخوە ونداکریە، جڤینان ب دار و بەران دبێژین، ل جھێ رەخنێ بگرین ھەر دەڤێ مە پرە ل جڤینان.
ل ھەر تشتەکێ تورەین، بکارێت باش جڤینان دەین، بکارێت چەوت و خراب ژی جڤینان دەین، بەرپرس ھەیە کارێت باش دکە ھاریکاریا خەلکێ ھەژار دکە چڤینا پێ ددەین دبێژین خوە ل بەرینکا خوە نادەت ئەگەر ھاریکاریا کەسێ ژی نەکەت نکارین چبکەین ھەر دێ جارەکادن جڤینادەین!
جڤینا ب ماموستایێت ئولی ددەین، جڤینان دکتوران ددەین، جڤینا ب پارتێت سیاسی و کەسێت ئەکادیمی ددەین، چڤینا ب دامەزراوێت شەڕعی ددەین، چوو تشت نەماینە ل ڤی ولاتی ب مری و زیندی مە جڤین پێ نەداین، ئەگەر ولات ب چڤینان دروست بایە نھا ل شوینا رۆژھەلاتا ناڤین دگوت کوردستان مەزن چو ولاتان رکابەر نەدبوو دگەل کوردان، ئەگەر چەک ب جڤینان دروست ببو کوردان موشەکێت وەھا مەزن دروست کرن جیھان تەڤ وێران دکر، ئەگەر جڤین ھەر تشتەک بویە کورد ئێکەم دبون سەر ئاستێ جیھان د وی بواری دا لێ جھێ داخێ یە جڤین ھیچ بەرھەمەک نینە لەوما تا نھا کوردان تشتەکێ وەھا نەکریە بەحس ل سەر بکەن و خوەدیێ چوتشتان نینن و ل ھەرتشتی تورەنە.
وەڵام بدەوه