ئەوێ دخازن شەرێ پەکەک و پێشمەرگە ببە:
عێراق، ھەرێما کوردستانێ ھەیا نھا بەشێکە ل عیراقێ، دەست درێژیکرن لسەر ئاخا ھەرێمێ دەست درێژیکرنە ل سەر سەروەریا عیراقێ. لێ عێراق ھەردەم دخازیت ئالوزی ھەبە ل کوردستانێ. عێراق ھەرچەند بەیایاناما بەلاڤ بکە پەکەکێ یان ھەر لایەنەکێ دژبەرێ ھەرێمێ بتوندی شەرمەزار و پرۆتەستۆ بکە ب تنێ گوتنە، لێ پراکتیزەن دخازیت بەر ل سەر بەری نەمینە ل ھەرێما کوردستانێ. کوردستان مینا ولاتێ وان کاول و وێران ببە، دنێرینا شوفینزمێت عێراقێ ھەرچەند ھەرێما کوردستانێ وێرانتر ببە دبەرژەوەندیا وان دایە. بۆ ھندێ یەکسانی ھەبە دگەل باژارو پایتەختێ وان یێ وێران و ھەرێما کوردستان مینا ستێرەکا گەش ل ئاسمانێ تاریکێ عیراقێ خۆیانەکەت و کورد زێدەتر بەرەف پێش نەچە.
ھەروەک چاوا مالکی بودجا ھەرێما کوردستانێ قوتکر، داعش پرکر ژ چەکێ خوەیێ پێشکەفتی ئاراستێ وان بەرەف ھەرێما کوردستانێ دا بۆ وێ یەکێ کوە ھەرێما ژکوردستانێ لاوازبکە رێگریێ بکە ل زێدەتر ل پێشڤەبرنا ھەرێمێ. عەبادی ب دەبابا ئەبرامزا ئەمریکی و چەکێ پێشکەفتی یێ سەردەم و ب تەڤ میلیشیا و سوپایێ خوە ھێرشی ھەرێمی کر بۆ ژناڤبرنا کیانێ دەستوری یێ ھەرێمێ. لەوما ئەگەر شەرێ پەکەکئ و پێشمەرگێ کوردستانێ بتنی دوکێل بیت عێراق دێ پێترولێ پێداکەت دا بیتە ئاگرەکێ مەزن ب ساناھی نەڤەمریت.
ئیران، تەڤایا باژارێت عیراقێ ل ژێر ئەجێندا و باندورا ئیرانێ یە بتنێ ھەرێما کوردستانێ ب تایبەتی دھوک و ھەولێر نەچوینە ژێر ئەجێندایا ئیران و چ ولاتێت دن. خوەدیێ سەقامگیر و پێگەھێ خوەیە. ل پشتی سەرھلدانێ ب چەندین پیلانا ئیرانێ ھەول دایە ھەرێما کوردستابێ ببەتە ژێر باندورا خوە لێ ھەیا نھا سەرکەفتی نەبویە. نکارینە کوردان ب ئالیێ خوەڤە ببەن شەرێ وەکالەت پێ بکە. دەرفەتەکا وەھا زێرین ئیران ل دەست خوە ناکە، دێ زێدەتر ژ عیراقێ پێترولێ ب ئاگری دا کە و پاسداو ومیلیشیایێت خوەژی بکارئینە بۆمەزنکرنا ڤی شەری. ھەر جھێ ئیران تموح ھەبوو ببەتە ژێر ئەجێندایا خوە ئالوزیا لێ دروست دکە، وێران دکە، دەزگایێت شەرعی یت ولاتی لاواز دکە. چونکە کومارا ئیسلاما ئیرانێ دئالوزی و وێرانیادا دکاریت سیاسەتێ بکە نەل ولاتەکێ سەقامگیر و بھێز.
تورکیا، زێدەتر ل ھەر ولاتەکێ دخازیت ئەڤ شەرە ببە، بۆ وێ یەکێ مەرەمێت خوەیێت چەپەل جھ بینە، ھەر چەندە ڤیابایە ئەڤ شەرە ل چیا و باژارێت تورکیا ھاتبابکرن، لێ نە ھەر شەر ل وێ دەرێ نەھا کرن بەلکو تورکیا ب زیرەکانە شەری ل ولاتێ خوە دوورکریە. ب ناڤێ شەرێ پەکەکێ چەندین ناوچێت ستراتیژی ل باشۆر و رۆژئاڤا داگیرکرینە. پەکەکە تورکیا ب دوژمنێ خوە دزانە، لێ چو ولاتان ھندی تورکیا ل دوژمنداریا پەکەکە قازانج نەکریە، تورکیا ب بەھانا پەکەکێ کوە بەھانەکا دروستە ل ولاتێت جیھانێ کوە پەکەکە ژ ئالیێ وان تیرۆریستە مافی دەنە تورکیا ژبۆ شەرێ تیرۆرێ بکە تورکیا ژی ب بەھانایا شەرێ تیرۆرێ سنورێت ولاتێ خوە مەزن دکە، پێنگاڤا دھاڤێژە بەرەف خەونا خوەیا مێژینەیا دەولەتا عوسمانی.
شانێت نڤستی یێت عیراقچی وتورکچی وئیرانچی کوە ناڤدارن ب ئوکتوبەرچیان ل ناڤا ھەرێما کوردستانێ زێدەتر ژ ھەر چوار ولاتیت داگیرکار دخازە شەرێ پێشمەرگە و پەکەکە ببە، ئەو شەری بتنێ مەترسی ل سەر پارتی دزانن، ئەو ھەر تشتێ دکەن بۆ لاوازکرنا پارتی، ھەر دبێژن دگەل شەرێ براکوژیێ نینن، ئاراستێ گوتنێ وان ب تنێ پارتی دگرە ئەڤە ل دەمەکێ دا گەر کەسێک نەشارەزابە وەھا دزانە کو پێشمەرگە چوویە ئاخا پەکەکێ دا و مالێت وان شەوتاندینە و چەندین گەریلا کوشتینە، زارویێت وان رڤاندینە. ھەردەم تبلا وان ل سەر جەلەبێ تڤەنگێ یە ھەمبەری گەریلا!.
ئوکتوبەرچی وەھا دزانن ب لاوازکرنا پارتی ئەو دێ بنە حاکمێ موتلەقێ ھەرێمێ، ئەو نزانن حاکمیا وان ل سلێمانی ل سایەیا پارتی یە ھەر پارتی نەمینە مینا کەرکوکێ دێ ئیخسیرێ دەستێ راکان و میلیشیایابن. پەکەکە وان بچەکدارێت خوەژی
ھەژمارناکەت ل شکەفت و چیایان ژی جھێ وان نابە.
پارتی قەد ناخوازە ئەڤ شەرە ببە، پارتی چوجاران شەر ناکە ھەیا زمانێ گفتوگویێ ھەبە گفتوگویێ دکە، دەما شەر ژی دبە ب تنێ بەرگریێ دکە. پارتی 75 سالە دژیێ خوەدا پرە ل ئەزمونان، ژیێ خوە تەڤ د شۆرەش و رودانێت ئێک ل دیف ئێک ناوچێ بریە سەر، چەندین قوربانی دایە بۆڤێ ئەزمونا نھا ھەی، باش دزانە ھەر شەرێ ببە ب تنێ وێرانی دیف دێ، ئەڤا نھا ھەی شەرو پیلانگیریەکا ئیقلیم یە ژبۆ ژناڤبرنا ھەرێمێ و لاواکرنا کیانێ دەستوری یە.
ھەیا نھا کوە پەکەکێ چەندین پێشمەرگە شەھیدکرینە گوتنا ھەرە زڤرا پارتی بۆ پەکەکە ئەگەر ھون ئاپێت مەنە چما مەدکوژن. چما شەری ل وارێ مەدکەن ودوژمنان ل دیف خوە دئینن. چما ھوون ناچن باکورێ کوردستانێ شەر بکە کوە پارچەیا ھەرا مەزنا کوردستانێ یە، چما مالێت مە دشەوتینن. چما خورتێن مە درەڤینن.
چما ھونن نزانن دوژمنێ ھەرێمێ گەلەک زۆرە. نەیارێ کوردان ل دیف شەرەکێ وەھان بۆ ھندێ ئەو رق و قرێژا خوە یامای جارەکا دن ب سەر سەرێ کوردان ڤە برێژن.
پارتی شەر ناخوازە قەد ژی شەر ناکە، لێ گەر ھەر ھون شەری بکەن پارتی بتنێ دێ بەرگریێ کەت بۆ ھندێ ئەڤ ئەزمون و کیانە ژناڤ ناچە کوە تاکە ئومێدا 48 ملیۆن کوردانە.
ھۆگر نێروەیی
وەڵام بدەوه