سیامەند سێلکی:
وەزیری دەرەوەی ئێران لەسەردانەکەی دا بۆ هەولێر نەیتوانی ئەجێندای خۆی بەسەر هەولێردا بسەپێنێت و ، هەموو داواکاریەکانی کەپێچەوانەی بەرژەوەندیە باڵاکانی کورد بوون ڕەدکرانەوە . وەکو چاوەڕێ دەکرا ڕەدکردنەوەی داواکاریەکانی ئێران بۆ هەولێر قورس و گران دەبێت .ڕێک وەکو ئەوەی سالی (١٩٩٦) ڕوویدا .لەو سەردەمەشدا پارتی ئامادە نەبوو بۆ هێرش کردنە سەر کوردانی ڕۆژ هەڵات هیچ هاوکاریەک پێشکەش بەئێران بکات . بەڵام یەکێتی خۆی خستە خزمەتی ئەو کارە هاوکاریەکی پێشکەش ئێرانیەکان کرد .لەبەرامبەریشدا ئێران هەموو هیزو توانا سەربازیەکانی خۆی خستە خزمەت یەکێتی ،تا بتوانێت بەسەر پارتیدا سەر کەوێت .
ئەم جارەش هەولێر ئامادەنەبوو بچێتە ژێر باری داواکاریە ناشەرعیەکانی ئێران و بەتووندی ڕەدکراونەتەوە ، کە دوو خال بوون : یەکەمیان ئەوە بوو ئێران ڕێگای حاجی ئومەران - سێمالکا بۆ پشتیوانی ڕژێمی ئەسەدو پ ک ک و حزب اللەی لوبنانی بەکار بێنێت . دووەمیشیان ئەوە بوو هەولێر بۆ هەلبژاردنی داهاتووی ئێراق ببێتە هاوپەیمانی ئەو هیزە شیعیانەی کەجێبەجێکاری ئەجێندای ئێرانن لەبەغدا .
هەڵبەت وەکو چاوەڕێ دەکرا لەتۆڵەی ڕەدکردنەوەی داواکاریەکانی ، ئێران بەهاوکاری چەند حزبێکى ناوخۆیى پیلانێکی دژی هەولێرو پارتی بەدەستەوەیەو لەدەستپێکی جێبەجێکردنیدایە . وەکو دەبنین و دەبیستین ئێران و هاوپەیمانەکانی لەم چەند ڕۆژەی دوایی دا چەند هەنگاوێکی کردەییان لەو پیلانە جێبەجێکردووە کە ئەمانە گرنگترینیانن . یەکەم : بەڕاسپاردەو فەرمانی ئێران یەکێتی و گۆڕان و کومەل و یەکگرتوو هاوپەیمانێتیان بۆ هەڵبژاردنەکانی عێراق پێک هێناوە . لەمیدیاکانەوە تەنها هاوپەیمانێتی یەکێتی و گۆڕان ڕاگەیێنراوە .بەڵام لەئەسلدا هاوپەیمانێتیەکە لە هەر چوار هێز پێک هاتووە .بەڵام لەبەر هەندێ هۆ کە هێشتا ڕوون نین تەنها هاوپەیمانێتی یەکێتی و گۆڕان ڕاگەیێنراوە . هەروەها چەند سەرۆک هۆزێک کە زۆر لەئێرانەوە نزیکن و پێشتریش سەرۆک جاشی سەدام بوون لەلایان ئێرانەوە ڕاسپێردراون پشتیوانی یەکێتی بکەن .ئەوەی جێگای سەرنج و هەڵوەستە لەسەر کردنە ئەمانە هەمان ئەو سەرۆک هۆزانەن کە سالی (١٩٩٦) شانبەشانی هێزەکانی یەکێتی و پ ک ک و پاسداری ئێران لەشاری شنوی ڕۆژ هەڵاتەوە داخلی باشوری کوردستان بوون و هێرشی سەر هێزەکانی پارتیان کرد لەدەڤەری سیدەکان .
دووەم : یەکێتی هیزێکی خۆی لەخالێکی ستراتیژی زینی وەرتێ جێگیر کردووە .پێشتر پ ک ک دژی ئەوەبوو هێزەکانی وەزارەتی پێشمەرگە لەو سنورە جێگیر ببن .بەڵام بەڕاسپاردەی ئێران لەسەر جێگیرکردنی هێزەکانی یەکێتی ڕازی بووە .
سێیەم : پ ک ک بەشێوەیەکی فراوانترو چڕتر لەجاران هەوڵی نانەوەی شەڕ دژی هەولێر دەدات .بۆ ئەم ئامانجەش لەسنورەکانی ئامێدی کاری ئیستفزازی دژی پێشمەرگە کردووە .هەروەها لەسنوری سیدەکانیش پەلاماری پێشمەرگەیان دا .
چوارەم : بەفەرمانی ئێران هێزە کوردیەکانی سەر بەمحوەری مقاومە بەبیانویی بەرگریکردن لەئازادی بیروڕا پرسی سزادانی سیخۆڕەکانی پ ک ک یان لەمیدیاکاندا ورژاندووەو ،ئەگەر بویان بچێتە سەربۆ تێکدان و ئالۆزکردنی بارودوخی کوردستان خوپیشاندانیش دەکەن !
. بۆ ڕەواندنەوەی ئەم مەترسیە ڕۆلی تاک بەتاکی خەلکی کوردستان گرنگ و کاریگەرەو ، پێویستە هەموو کوردستانیەک چاوکراوەو وشیار بێت و بەپێی توانا ڕۆلی خۆی بگێڕێت لەدوور خستنەوەی ئەم مەترسیە .....هتد.
وەڵام بدەوه