هەر پرۆسەیەکی چاکسازی و ریفۆرم لە کۆمەڵگا لە سەرەتادا بە ئێش و ئازارو کێشەدارە، بۆ ئەو گرووپگەل و تاکانەی لە بەرژەوەندیان ئەدرێت.
گرووپە بەرژەوەندگەراو هەلپەرەستانی پانتای کۆمەڵگا، کۆمەڵە مشەخۆرێکی نان خۆرن بە نرخی رۆژ. واتە لەهەر کوێوە خۆر هەڵبێت، روویان بەرەو ئەو شوێنە وەردەگێڕن و عادەتەن تووند تووند دەست بە کورسی و ئیمتیازاتە بێ شومارەکانیانەوە دەگرن و بەرژەوەندی گشتی تورێکی قوڕاو لایان نرخی نیە.
ریفۆرمە یاسایی، ئابوری، دارایی، ئیداری و کۆمەڵایەتیەکان لە هەناوی خۆیاندا هەڵگری موژدەی هێنانە ئارای دۆخێکی تازەو پڕ لە گۆڕانکاری جۆرین.
چاکسازیەکان شادەماری نوێبوونەوەو نۆژەن کردنەوەی کۆمەڵگاو بەخشینی جۆرێکن لە دینامیکیەت و هێزو وزە و پاڵپشتی بە ئاڕاستەی گەشەو پێشکەوتن و باڵابوون.
بە بێ چاکسازی ریفۆرم، کۆمەڵگا لە شوێنێکدا چەق دەبەستێ و وزەی نوێبوونەوە لە ناخیدا قەتیس دەمێنێ و پاشاگەردانی سەرتاپای کۆمەڵگاو ژیان و نیشتیمان دەگرێتەوە.
وەڵام بدەوه