کابینەی نۆیەم، بەسەرۆکایەتی مەسرور بارزانی پێی نایە 21 مانگی تەمەنی خۆی، لەم ماوەیەدا ڕوبەڕوی چەندین گرفت و تەحەدا بۆیەوە، کە ھەندێکیان ھەر لە سەرەتاوە دەیان ویست ئەم کابینەیە پێک نەھێنرێت، کەنەیان توانی ڕێگری بکەن لەپێکھێنانی ،جێبەجێکاری ھەمو ئەجێندایەک بون کەتەمەنی ئەم کابینەیە کورت بێت، کۆتایی بەھەمو دەستکەوتەکانی بھێنن، کە ئەو سیاسەتەیان جێبەجێ دەکرد مادەم خۆیان خاوەنی ھیچ دەستکەوتێک نین وناتوانن ھیچ دەستکەوتێک بەدەست بھێنن باکوردیش ھیچ دەستکەوتێکی نەبێت، ھەر ژێر دەستی ئەم و ئەوی تربن.
تەحەدای یەکەم: چاکسازی، ھەر لە سەرەتای دەست بەکاربونی مەسرور بارزانی دەستی بەچاکسازی کرد، ھەرچەند لەمپەر گرفتی زۆریان بۆ دروست کرد، ھەمو پیلانێکیان دانا چاکسازی سەرنەگرێت بەڵام بە ئیرادەی بەھێزی سەرۆک وەزیران توانی بۆ یەکەم جار چاکسازی بکات دەست ببات بۆ ھەندێک سێکتەر، داھاتی ناوخۆ بەڕێژەیەکی بەرچاو زیاد بکات، کەئێستاش بەردەوامە، چاکسازی جەنابیان وەکو مردن وایە، ھەموو کەسێک دەگرێتەوە، ھەربۆیە ڕێگی زۆریان کرد زۆر کارتی دەستی خۆیان بەکارھێنا.
تەحەدای دووەم: ڤایرۆسی نەگریسی کۆرۆنا بوو، کە چۆکی بە زۆربەی وڵاتە زلھێزەکانی جیھان دانا، وڵاتان بۆ ئەوەی ئابوریان سفر نەبێت پشتیان لەخەڵک کرد چاویان لەوە بوو ھەر داھات زیاد بکەن ھەر بۆیە زۆرترین توشبوو ڕێژەی مردن لەھەمو وڵاتان زۆربو، بەڵام بەپێچەوانەوه مسرور بارزانی پشتی لەھەموو داھات کرد تەنھا بۆئەوەی خەڵکەکەی بپارێزێت، ئەم ڤایرۆسە بەکەمترین زیان تێپەڕێنن، سەرکەوتوش بوو، ئەگەر سەرەتا وڵاتانی جیھان ھەمان ڕێکارەکانی مەسرور بارزانیان گرتبوایەتەبەر ئێستا شتێک نەدەما بەناوی کۆرۆنا، ھەرچەند لێرە کۆرۆنایان بەسیاسی کردبو، بونە ھۆکاری ئەوەی قوربانی لێ بکەوێت ئەگەر حکومەتی ھەرێم دەمێک بوو زۆر بەکەمتر لە قوربانی ئێستا ئەم ڤایرۆسەی تێپەڕاند بوو.
تەحەدای سێ یەم: تەسلیم بونی ھەرێم بە بەغدا، لێرە و لەوێ بەناوی جیا کەھەمویان بەیەکەوە یەک ئەجێندایان جێبەجێ دەکرد، بەناوی موچەوە کەئامانجیان تەسلیم بونی ھەرێم بوو نەک ڕێکەوتن، ھەندێکیان بە لامەرکەزیان گرتبوو، ھەندێکی تر ئیمزایان کۆدەکردەوە بۆ ئەوەی موچەی فەرمانبەران ببەنە سەر بەغدا، ھەندێکی تر کاریان ئەوە بوو کە بەغدا وەکو پارێزگا مامەڵە لەگەڵ ھەرێم بکات، ھەریەکەیان بوبون بە ئەم و ئەو و ئەوی تر تەنھا بۆ ئەوی شکست بە حکومەتی ھەرێم بھێنن کۆتایی بە قەوارەی ھەرێمی کوردستان بھێنن، جگە لەمەش ھەمویان بەیەکەوە کاریان لەسەر ئەوە دەکرد کەمەلەفی نەوت لەدەست کورد دەربھێنن،ئەوەی کاتی خۆی مالکی شۆڤێنیەکانی بەغدا ھەوڵیان بۆدەدا ئەمان لێرە بۆیانیان دەکرد، بوبون بەزمان حاڵی ئەوان دەیان وت مەلەفی نەوت شکست خواردو و ناشەفافە، دۆسیەیەکی نادەستوری یە، عێراق حەقی خۆیەتی سکاڵا تۆماربکات لەدەست ھەرێم دەربھێنێت، جا ھەرێم خۆی دەبێت ڕادەستی بکات، ئەوەی نەیارەکانی کورد پێیان خۆشبوو کەکورد نەبن بەخاوەنی ھیچ ھەر ژێردەستی ئەوانبن، ئەمانە دەیان وت وجێبەجێکاری پیلانەکەیان بون
بەڵام مەسرور بارزانی بەپشو درێژی ئیرادەیەکی پۆڵاین توانی کارتەکانی ھەمویان یەک بەیەک پوچەڵ بکاتەوە، بەبێ ئەوان موچەی مانگانە جێگیربکات، بودجە بۆ دابین کردنی پرۆژەکان ھەر چوار پارێزگەکان تەرخان بکات، کە ھێشتا لای ئەوان ھەڵەبجە پارێزگا نیە، مەسرور بارزانی پارێزگا بونی ھەڵەبجەی کرد بەئەمری واقع بەدابین کردنی بودجەی تایبەت بۆی، بە کردارەکانی بەغدای ناچار بە ڕێکەوتن کرد نەک تەسلیم بون، نەک ھەر مەلەفی نەوتی ڕادەست نەکرد بەڵکو کردی بە یاسایی و لەسکاڵەکانی عێراقیش ڕزگاریکرد، کوردستانی کردە خاوەنی فەرمی و یاسایی مەلەفی نەوت کە ئیتر لە ڕوی ئابوریەوە کوردستان وەکو وڵات مامەڵە دەکات نەک ھەرێم.
وەڵام بدەوه