ئۆپۆزیسیۆنی سۆشیال مێدیا
بەشێک لەو ئۆپۆزیسیۆنەی هەرێمی کوردستان هەڵقوڵاویی ناخی کۆمەڵگای کوردی و دەرهاوێشتەی هەلومەرجێکی ئاسایی نیە و لە دۆخی داسەپاوی سەر هەرێم و بارودۆخێکی نەخوازراودا لە دایک بووەو لە بەرپرسیارەتیە نەتەوەیی و نیشتیمانیەکان شۆراوەتەوە.
رووبەری سۆشیال مێدیا لەم چەند ساڵەی دوایی دەرفەتێکی زێڕینی بۆ زۆر کەس و لایەن رەخساند ئەسپی خۆیان هەر رۆژەو بە ناوێک و لە ژێر دەمامک و پەردەی ناوی زل و درووشمی گەورەو باقوبریقەدارەوە تاو بدەن و پانتای سۆشیال مێدیا بکەن بە گۆڕەپانی تەراتێنی خۆیان و دروست کردنی گێژاوەوە.
یاری کردن بە موعانات و هەستی خەڵکی و قۆستنەوەی بارودۆخە نەخوازراوەکان بۆ بەرەو پێشەوە بردنی پرۆژە و ئامانجە شاراوەکان و لەوەش خراپتر ئاوکردنە ئاشی نەیارانی دەرەکی دوور لە هەر بەرپرسیارەتیەکی نیشتیمانی و ئەخلاقیەوە، ئەمڕۆ بە یاشکرا بە سیمای بەناو ئۆپۆزیسیۆنەوە دەبینرێ.
بەداخەوە ئۆپۆزیسیۆن نەک بۆتە هۆکاری دڵنەوایی و متمانەو باوەڕو ئارامیەوە، بەڵکو رۆڵێکی زۆر خراپ بۆ زیاتر ئاڵۆزکردنی دۆخی کۆمەڵگاو نائومێدکردنی هاوڵاتیان دەگێڕێ و باکی بەهیچ نیە.
وەڵام بدەوه