بەشداری بەرفراوانی دانیشتوانی کوردی نەینەواو کەرکوک و سەلاح الدین لە هەڵبژاردنەکانی ئەنجومەنی پارێزگاکان سەلماندی سیاسەتی بە عەرەب کردنی کوردستان سیاسەتێکی فاشل و شکستخواردوی رژێمە یەک لەدوا یەکەکانی بەغدا بوو.
کوردانی هەرسێ پارێزگاکە سەلماندیان کورد سەرباری جیاوازی بیروبۆچوون و دیدگا، ئامادەن لە پێناو شکۆی نەتەوەو نیشتیمان قوربانی بە هەموو جیاوازیەکانیان بدەن و لە هەڵبژاردنە چارەنوس سازەکاندا ئەرکە نیشتیمانی و نەتەوەییەکانیان جێ بەجێ بکەن و سڵ لە هیچ بەربەست و ئاستەنگێکی سایکۆلۆژی نەکەنەوە.
هەڵبژاردنی ئەنجومەنی پارێزگاکان سەلماندی کورد گەلێکی ئازادیخواز و چالاک و هۆشیارەو لە کاتی ئەرکە قورسەکاندا قوربانی بەهەموو جیاوازی و گلەیی و نارەزایەتیەکانی دەدا و سەنگەر چۆڵ ناکات و گەلێکە کۆت و بەندی نەتەوایەتی و سنوری دەسکردی جوغرافی و لە قالبدان قەبوڵ ناکات.
وەڵام بدەوه